Baltasar Pardal Vidal
| Baltasar Pardal Vidal | |
|---|---|
 Monumento no Campo da Leña da Coruña | |
| Sacerdote da Igrexa católica latina | |
| Biografía | |
| Nacemento | 17 de agosto de 1886 en Santa Cristina de Fecha (Santiago de Compostela) |
| Pasamento | 3 de marzo de 1963 |
| Ordes | |
| Ordenación sacerdotal | 17 de decembro de 1910 |
Baltasar Pardal Vidal, nado en Santa Cristina de Fecha (Santiago de Compostela) o 17 de agosto de 1886 e finado o 3 de marzo de 1963 na Coruña, foi un sacerdote católico galego.
Traxectoria[editar | editar a fonte]
Naceu nunha familia campesiña, o terceiro de catro irmáns. En 1900 ingresou no seminario, e o 17 de decembro de 1910 foi ordenado sacerdote. Comezou o seu ministerio sacerdotal como párroco coadxutor de Santa María de Betanzos en 1912, e en 1913 trasladouse á Coruña como coadxutor de san Nicolao.
Alí fundou en 1923 a Grande Obra de Atocha, aprobada como instituto secular en 1951 das Fillas da Natividade de María. Catro anos máis tarde, o seu instituto chegou ao Uruguai e a Venezuela. Foi tamén cóengo da colexiata de Santa María do Campo na Coruña.
Finou o 3 de marzo de 1963, e está enterrado na capela da Grande Obra de Atocha na Coruña.
Recoñecementos[editar | editar a fonte]
Unha rúa na cidade da Coruña leva o seu nome, así como outras rúas en Pontedeume[1], Betanzos[2] e Arzúa (1982). En 2012 adicáronlle os xogos florais de María Pita.[3]
Veneración[editar | editar a fonte]
O 14 de decembro de 1996 comezou a súa causa de canonización na arquidiocese compostelá; a fase diocesana do proceso foi pechada en 2001 e a Positio foi enviada á Congregación para as Causas dos Santos en 2005. O 10 de maio de 2012 o papa Bieito XVI promulgou o decreto de virtudes heroicas, e declarouno "Venerable".[4]
Notas[editar | editar a fonte]
- ↑ "Pontedeume estrena la calle Baltasar Pardal". La Voz de Galicia. 20 de marzo de 2013.
- ↑ "Betanzos le dedica una calle a Baltasar Pardal, fundador de la Grande Obra". La Opinión A Coruña. 10 de abril de 2016.
- ↑ Becerra, Javier (22 de marzo de 2012). "Los Juegos Flores de María Pita se dedicarán este año a Baltasar Pardal Vidal" [Os Xogos Florais de María Pita adicaranse este ano a Baltasar Pardal]. La Voz de Galicia (en castelán). Consultado o 23/04/2022.
- ↑ Ferreiro, Celso (7 de febreiro de 2014). "Don Baltasar, camino de los altares" [Don Baltasar, camiño dos altares]. La Opinión A Coruña (en castelán). Consultado o 23/04/2022.
Véxase tamén[editar | editar a fonte]
Bibliografía[editar | editar a fonte]
- Couceiro Freijomil, Antonio (1954). Diccionario bio-bibliográfico de escritores III. Bibliófilos Gallegos. p. 22.
- Pérez López, Segundo Leonardo (2010). Baltasar Pardal Vidal, modelo de sacerdote diocesano. Santiago de Compostela: Instituto Teológico Compostelano. ISBN 978-84-937400-3-0.
- Seoane Faraldo, Teresa (1996). Una vida de fe y confianza. Baltasar Pardal Vidal. Deputación da Coruña. ISBN 84-89652-10-4.
