Axel Witsel

Axel Witsel
	; (2018)
Biografía
Nacemento	(fr) Axel Laurent Angel Lambert Witsel ; 12 de xaneiro de 1989 (35 anos); Liexa, Bélxica
Datos persoais
País de nacionalidade	Bélxica
Altura	186 cm
Peso	81 kg
Actividade
Ocupación	futbolista
Período de actividade	2006 -
Lingua	Lingua francesa
Nacionalidade deportiva	Bélxica
Deporte	fútbol
Liga	Fußball-Bundesliga
Posición de xogo	Centrocampista
Número deportivo	20
Traxectoria
Participou en
2022	Mundial de Fútbol Qatar 2022
2021	Eurocopa de Fútbol Europa 2020
2018	Mundial de Fútbol Rusia 2018
2016	Eurocopa de Fútbol Francia 2016
2014	Mundial de Fútbol Brasil 2014
Familia
Pai	Thierry Witsel
	Premios (2008) Belgian Golden Shoe (en) ;
Páxina web	axelwitsel28.com

Axel Thomas Witsel, nado en Liexa o 12 de xaneiro de 1989, é un futbolista internacional belga que xoga para o Borussia Dortmund da Bundesliga alemá e para a selección de Bélxica. A súa posición natural é a de medio centro, mais tamén pode xogar como medio ofensivo. Con todo, cando chegou ao fútbol profesional xogaba na posición de lateral dereito.

Traxectoria

O primeiro equipo de Witsel foi o Standard Liège, co que debutou nun partido ante o Brussels FC, entrando como substituto de Steven Defour no minuto 89. Aquilo ocorreu o 17 de setembro de 2006, cando Axel contaba con tan só 17 anos de idade. Once días despois, fixo o seu debut nunha competición europea, concretamente na Copa da UEFA, onde o seu equipo saíu eliminado ante os galegos do Celta de Vigo. Durante a tempada 2007-08, e con 18 anos de idade, Witsel converteuse nun dos xogadores que gañaría o título de liga para o Standard, xunto a outros talentos belgas como Steven Defour e Marouane Fellaini. Ese mesmo ano gañaría o premio ao Mellor Xogador Mozo do Ano, e o Zapato de Ouro, que premia ao mellor xogador do torneo. Na tempada seguinte, anotou o gol co que seu club volveu conseguir o campionato de liga, tras imporse no dobre play-off ante o Anderlecht.

O 30 de agosto de 2009, Witsel rompeu a perna dereita do xogador polaco Marcin Wasilewski, nun dos clásicos disputados entre o Standard Liège e o Anderlecht. Axel protestou polo cartón vermello que recibiu e a pesar de desculparse por este incidente, a reacción dos seareiros do club púrpura e sobre todo, dos polacos, non se fixo esperar: Witsel foi ameazado de morte.^[1] Finalmente, a Real Federación Belga de Fútbol suspendeu ao internacional belga con oito partidos de Liga, a pesar de que a sanción inicial foi de once encontros, máis unha multa de 250 euros, que igualmente foi reducida dos 2.500 euros que debía pagar nunha primeira instancia.^[2]

O 13 de xullo de 2011 o Standard Liège anuncia mediante un comunicado no seu sitio web o traspaso do xogador ao SL Benfica de Portugal, sen dar detalles sobre a transferencia. Segundo medios locais o club portugués tería pagado unha cifra próxima ao oito millóns de euros. O 3 de setembro de 2012 é fichado polo Zenit de San Petersburgo por 40 millóns de euros.

Títulos

Campionatos nacionais

Título	Club	Estado	Ano
Primeira División	Standard Liège	Bélxica	2007–08
Supercopa de Bélxica	Standard Liège	Bélxica	2008
Primeira División	Standard Liège	Bélxica	2008–09
Supercopa de Bélxica	Standard Liège	Bélxica	2009
Copa de Bélxica	Standard Liège	Bélxica	2010-11

Distincións individuais

Distinción	Ano
Mellor Xogador Promesa da Liga de Bélxica	2008
Mellor Xogador da Liga de Bélxica	2008

Notas

↑ Marca, ed. (1 de setembro de 2009). "Amenazan de muerte Witsel, el jugador que le rompió tibia y peroné a Wasilewski" (en castelán). Consultado o 4 de xullo de 2014.
↑ Marca, ed. (4 de setembro de 2009). "La sanción a Witsel se reduce a ocho partidos" (en castelán). Consultado o 4 de xullo de 2014.

Véxase tamén

Ligazóns externas

Sitio web oficial (en inglés)
Perfil en Transfermakt (en inglés)
Perfil en Soccerbase (en inglés)
Perfil na web oficial do Zenit (en inglés)

[1] Marca, ed. (1 de setembro de 2009). "Amenazan de muerte Witsel, el jugador que le rompió tibia y peroné a Wasilewski" (en castelán). Consultado o 4 de xullo de 2014.

[2] Marca, ed. (4 de setembro de 2009). "La sanción a Witsel se reduce a ocho partidos" (en castelán). Consultado o 4 de xullo de 2014.

[1]

[2]