Austin Loomer Rand

Na Galipedia, a Wikipedia en galego.
Austin Loomer Rand
Nacemento16 de decembro de 1905
Lugar de nacementoKentville
Falecemento6 de novembro de 1982
Lugar de falecementoLake Placid e Avon Park
SoterradoOak Hill Cemetery
NacionalidadeCanadá
Alma máterAcadia University, Universidade Cornell
Ocupaciónzoólogo, ornitólogo
CónxuxeRheua Vaughn Medden
FillosAustin Stanley Rand e William M. Rand
Premiossen etiquetar
Na rede
Find a Grave: 46947911 Editar o valor em Wikidata
editar datos en Wikidata ]

Austin Loomer Rand, nado en Kentville (Nova Escocia) o 16 de decembro de 1905 e finado o 6 de novembro de 1982, foi un zoólogo canadense, especializado en ornitoloxía.

Traxectoria[editar | editar a fonte]

Creceu cerca de Wolfville, onde foi asesorado polo notábel ornitólogo local Robie W. Tufts. Licenciose na Acadia University, en Wolfville, institución que tamén lle outorgou o título honorario de DSc en 1961.[1]

En 1929, sendo aínda un estudante da Universidade Cornell, viaxou nunha expedición a Madagascar como recolledor de espécimes de aves. Rand publicou os resultados na defensa da súa tese de doutoramento para obter o título de Ph.D. Nesa expedición coñeceu[a Richard Archbold, zoólogo e filántropo, co que emprendeu unha amizade para tgoda a vida. Archbold posteriormente financiou e liderou unha serie de expedicións biolóxicas a Nova Guinea na década de 1930, nas que Rand participou e codirixiu. En 1941 colaborou con Archbold no establecemento da "Estación Biolóxica Archbold", en Lake Placid, Florida lugar onde se retirou.[2]

En 1942 Rand foi zoólogo asistente no Museo Nacional de Ciencias Naturais do Canadá, desde 2010 rebautizado como Museo Canadense da Natureza, onde traballou co ornitólogo Percy A. Taverner e co mastozoólogo Rudolph Martin Anderson. De 1947 a 1955 foi conservador de aves no Museo Field de Historia Natural de Chicago, onde foi conservador xefe de zooloxía desde 1955 até 1970.

Foi un frecuente contribuínte de The Auk, a revista ornitolóxica da American Ornithologists' Union, organización da que foi presidente entre 1962 e 1964.

Austin L. Rand foi o padre do destacado herpetólogo tropical Austin Stanley Rand, da Smithsonian Institution.

Honores[editar | editar a fonte]

Eponimia[editar | editar a fonte]

En 1996 foi conmemorado co seu epónimo un dos edificios de investigación da Estación Biolóxica Archbold.

Obra[editar | editar a fonte]

Algunhas publicacioóns[editar | editar a fonte]

Ademais de numerosos artigos científicos, os principaies informes e libros escritos en solitario ou en colaboración están:

  • 1936. "The distribution and habits of Madagascar birds". Bull. of the American Museum of Natural History.
  • 1937. "Results of the Archbold expeditions Nº 14: The birds of the 1933–1934 Papuan expedition"'. Bull. of the American Museum of Natural History. (Con Ernst Mayr).
  • 1942. "Results of the Archbold Expeditions. Birds of the 1936–1937 New Guinea Expedition"'. Bull. of the American Museum of Natural History.
  • 1955. Stray feathers from a bird man's desk. Fascinating and unusual sidelights on the lives of birds.
  • 1956. American Water and Game Birds.
  • 1960. Birds of the Philippine Islands: Siquijor, Mount Malidang, Bohol, and Samar. (Con D. S. Rabor).
  • 1961. A Midwestern Almanac, Pageant of the Seasons. (Coa súa esposa Rheua M. Rand).
  • 1962. Birds in Summer.
  • 1967. Ornithology: an Introduction.
  • 1967. Handbook of New Guinea Birds, (cn E. Thomas Gilliard).
  • 1971. Birds of North America.

Abreviatura[editar | editar a fonte]

A abreviatura Rand emprégase para recoñecer a Austin Loomer Rand como autoridade na descrición e taxonomía en zooloxía.

Notas[editar | editar a fonte]

  1. Traylor, Melvin A.; Amadon, Dean; Godfrey, W. Earl (1984). "In Memoriam: Austin L. Rand" (PDF). Auk 101 (3): 600–602. 
  2. Morse, R. (2000): Richard Archbold and the Archbold Biological Station. Gainesville: University Press of Florida. ISBN 0-8130-1761-0.