Atelocerados
| Atelocerados / Traqueados Atelocerata / Tracheata
| |||||||||||
|---|---|---|---|---|---|---|---|---|---|---|---|
| |||||||||||
| Clasificación científica | |||||||||||
| |||||||||||
| Superclases | |||||||||||
O dos atelocerados (Atelocerata) é un clado de artrópodos proposto por algúns autores para incluír os hexápodos (insectos e algúns pequenos taxons relacionados) e os miriápodos (milpés, cempés, e taxons similares), pero que exclúe aos crustáceos e os quelicerados (como os arácnidos e os xifosuros).
Descrición sumaria
[editar | editar a fonte]Trátase dunha amplísima agrupación de artrópodos que comprende a todos os que respiran por traqueas, para distinguilos dos crustáceos, que respiran mediante branquias.
Terminoloxía
[editar | editar a fonte]O nome Tracheata é un termo antigo, orixinalmente proposto por Ernst Haeckel en 1866 para agrupar os arácnidos, os miriápodos e os insectos.[1]
O termo foi redefinido en 1893 por Reginald Innes Pocock para excluír os arácnidos.[1]
O nome Atelocerata foi proposto en primeiro lugar por Richard Heymons en 1901,[2]
Ambos os nomes, Atelocerata e Tracheata, considéranse hoxe como equivalentes ou sinónimos.[1][3]
Status discutido
[editar | editar a fonte]- Véxase tamén: Pancrustáceos.
O status dos atelocerados como clado válido discútese hoxe debido a varios estudos de filoxenia molecular. Algúns autores viron recentemente aos crustáceos como máis estreitamente relacionadas cos hexápodos que cos miriápodos.[1][4] De ser isto certo, entón os caracteres compartidos polos hexápodos e os miriápodos, pero non polos crustáceos, deben de ser o resultado dunha evolución converxente dalgúns destes prupos, ou a unha perda secundaria nos crustáceos.[5]
Filoxenia
[editar | editar a fonte]Baixo o punto de vista filoxenetico os atelocerados serían unha das dúas pólas nas que se divide o clado do mandibulados (Mandibulata), que comprende os crustáceos e que se distingue do que integra aos quelicerados e aos trilobites. Pero cómpre sinalar que sobre a árbore filoxenética dos mandibulados opóñense dúas interpretacións controvertidas.
A primeira, baseada en análises de filoxenia molecular, agrupa as superclases dos hexápodos e dos crustáceos no clado dos pancrustáceos, distinguíndoo do clado que comprende aos miriápodos.[6]
| Euarthropoda |
| ||||||||||||||||||
A segunda, baseada nas relacións morfolóxicas, os grupos das superclases dos hexápodos e os miriápodos sitúanse no subfilo dos atelocerados Atelocerata ou traqueados, distinguíndoos dos crustáceos:
| Euarthropoda |
| ||||||||||||||||||
Notas
[editar | editar a fonte]- ↑ 1,0 1,1 1,2 1,3 Koenemann, Stefan; Jenner, Ronald A.; Hoenemann, Mario; Stemme, Torben; von Reumont, Björn M. (2010). "Arthropod phylogeny revisited, with a focus on crustacean relationships" (PDF). Arthropod Structure & Development 39 (2-3): 88–110. PMID 19854296. doi:10.1016/j.asd.2009.10.003.
- ↑ Richard Heymons (1901). "Die Entwicklungsgeschichte der Scolopender". Zoologica (Sttutgart: Erwin Nägele ed.) 33: 1–244, tables i–viii. doi:10.5962/bhl.title.1587.
- ↑ Cook, C. E; Yue, Q.; Akam, M. (2005). "Mitochondrial genomes suggest that hexapods and crustaceans are mutually paraphyletic". Proceedings of the Royal Society B: Biological Sciences 272 (1569): 1295–1304. PMC 1564108. PMID 16024395. doi:10.1098/rspb.2004.3042.
- ↑ Guillaume Lecointre & Hervé Le Guyader (2006). The Tree of Life: A Phylogenetic Classification. Harvard University Press. ISBN 978-0-674-02183-9.
- ↑ Maximilian J. Telford & Richard H. Thomas (1995). "Demise of the Atelocerata?". Nature 376 (6536): 123–124. doi:10.1038/376123a0.
- ↑ Rota-Stabelli, Omar; Campbell, Lahcen (22 de xaneiro de 2011). "A congruent solution to arthropod phylogeny: phylogenomics, microRNAs and morphology support monophyletic Mandibulata". Proceedings of the Royal Society of London B: Biological Sciences (en inglés) 278 (1703): 298–306. doi:10.1098/rspb.2010.0590. Consultado o 7 de decembro de 2016.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Sistemática y filogenia de Artrópodos: Estado de la cuestión con énfasis en análisis de datos moleculares en Bol. S.E.A., nº 26, 1999 : 197—212 (en castelán). Consultada o 7 de decembro de 2016.
