Asier ETA biok
Asier ETA biok | |
---|---|
Ficha técnica | |
Título orixinal | Asier ETA biok |
Director | Aitor Merino Amaia Merino |
Produtor | Ainhoa Andraka Gabriela Calvache |
Guión | Aitor Merino Amaia Merino |
Intérpretes | Aitor Merino Asier Aranguren |
Música | Alex Alvear |
Fotografía | Aitor Merino |
Montaxe | Amaia Merino Ainhoa Andraka |
Estudio | Doxa Producciones (España) Cineática Films (Ecuador) |
Estrea | 2013 |
Orixe | País Vasco Ecuador |
Xénero | Documental[1] |
Orzamento | 54 085 €[2] |
Recadación | 154 419 €[3] |
Na rede | |
Asier ETA biok é un filme documental vasco-ecuatoriano[4] de 2013 que trata sobre a amizade entre o director do filme Aitor Merino co membro da organización terrorista ETA Asier Aranguren.[5] O filme foi gañadora do premio Irizar ao Cinema Vasco no Festival Internacional de Cinema de Donostia de 2013.[6][2]
O título do filme en éuscaro Asier ETA biok é un xogo de palabras, pois a palabra “eta” non soamente é o acrónimo desa organización senón que ademais equivale, nese idioma, á partícula copulativa “e” en galego.
Sinopse
[editar | editar a fonte]Asier e Aitor son dous mozos que se coñeceron na ikastola e medran xuntos no País Vasco dos anos 80. Ao cabo duns anos, Aitor foise a Madrid a cumprir o seu soño de ser actor mentres que Asier, tras a marcha do seu amigo, ingresa na banda terrorista ETA. O filme, que trata sobre certos xuízos de valor, tenta explicar como unha persoa pode ser amigo dun etarra sen compartir as afinidades da banda armada e como afrontar esta situación ante terceiras persoas.[7]
Dirección e protagonistas
[editar | editar a fonte]O codirector Aitor Merino traballou en numerosos filmes e con varios artistas como Montxo Armendáriz, Vicente Aranda ou Pilar Miró. O seu primeiro filme é a curtametraxe El pan nuestro, que foi nomeado nos Premios Goya en 2008.[8] A súa irmá e codirectora Amaia Merino é guionista e editora de documentais en Ecuador, traballando en máis de dez longametraxes.[4]
O protagonista, Asier Aranguren, é un exmembro de ETA que estivo en prisión durante oito anos e que, tras a súa saída do cárcere, pasou a incorporarse ao grupo da esquerda abertzale de interlocutores do colectivo de presos de ETA, xunto a Arantza Zulueta, entre outros, para atopar unha solución ao conflito vasco. Aitor, amigo da infancia de Asier, propúxolle crear un filme biográfico baseada na súa amizade a pesar das actividades terroristas deste.[9]
Elenco
[editar | editar a fonte]Ademais dos seus dous protagonistas principais, no filme tamén aparecen Juan Diego Botto, Pilar Castro e Guillermo Toledo,[10] amigos do director que expoñen o seu punto de vista como persoas alleas ao conflito.
Notas
[editar | editar a fonte]- ↑ "Asier ETA Biok (Asier y yo)". El País. Consultado o 22 de setembro de 2014.
- ↑ 2,0 2,1 Patricia Villarruel (24 de setembro de 2013). "Filme ecuatoriano español en festival". El Universo. Consultado o 22 de setembro de 2014.
- ↑ Ministerio de Educación, Cultura e Deporte. Goberno de España. "Asier ETA biok". Catálogo de cine español. Consultado o 30 de outubro de 2017.
- ↑ 4,0 4,1 "Asier ETA biok". Verkami. Consultado o 22 de setembro de 2014.
- ↑ "Días de cine: 'Asier ETA biok' (Asier y yo)". Radiotelevisión Española RTVE. 17 de xaneiro de 2014. Consultado o 22 de setembro de 2014.
- ↑ José Belló Aliaga (17 de xaneiro de 2014). "“Asier y yo”, de Aitor y Amaia Merino, ganadora del Premio Irizar al Cine Vasco en la 61ª edición del Festival de San Sebastián". La Comarca de Puertollano. Arquivado dende o orixinal o 06 de novembro de 2014. Consultado o 22 de setembro de 2014.
- ↑ "Asier ETA biok (Asier y yo)". Film Affinity. 11 de xuño de 2014. Consultado o 22 de setembro de 2014.
- ↑ "Aitor Merino". Verkami. Consultado o 22 de setembro de 2014.
- ↑ "Detenido el protagonista del documental 'Asier ETA Biok'". El Mundo. 9 de xaneiro de 2014. Consultado o 22 de setembro de 2014.
- ↑ "Asier ETA biok (2013). Full Cast & Crew". IMDb. Consultado o 22 de setembro de 2014.