Artur da Costa e Silva

Artur da Costa e Silva
Artur da Costa e Silva
Presidente de Brasil
Período	15 de marzo de 1967 31 de agosto de 1969
Antecesor	Humberto de Alencar Castello Branco
Sucesor	Emílio Garrastazu Médici
Datos persoais
Nacemento	3 de outubro de 1902
Lugar	Taquari
Falecemento	17 de decembro de 1969
Lugar	Río de Xaneiro
Organización	Aliança Renovadora Nacional - ARENA
Cónxuxe	Iolanda Barbosa Costa e Silva
Profesión	militar

Arthur da Costa e Silva, militar (xeneral), foi o presidente de Brasil entre 1967 e 1969.

Traxectoria

Fillo de comerciantes portugueses da Illa da Madeira, iniciou a súa carreira militar en Porto Alegre. En 1918 foi para a Escola Militar de Realengo, na cidade do Río de Xaneiro. Naquela cidade casou con Iolanda Barbosa Costa e Silva, filla dun militar.

En 1952 tornouse xeneral, atinxindo o posto máximo de Xeneral de Exército en 1961. Durante o goberno de João Goulart, participou da represión de movementos estudantís, e foi afastado do comando do IV Exército. Despois de 1963 participou da conspiración que derribou João Goulart a través dun golpe de estado e levou ó poder o mariscal Humberto de Alencar Castello Branco. No goberno deste, tornouse Ministro da Guerra e aliñouse cos militares da chamada "liña dura".

Tornouse candidato á sucesión de Castello Branco e foi elixido indirectamente (isto é, polo Congreso, sen a participación do pobo) como seu sucesor, asumindo o goberno o 15 de marzo de 1967.

Durante o seu goberno intensificáronse as manifestacións contra o réxime militar, principalmente de estudantes universitarios e de colexios, respondidas a través de máis endurecemento do réxime e represión.

O 31 de agosto de 1969 Costa e Silva sufriu un derramo cerebral e foi afastado do goberno. Finou 17 de decembro do mesmo ano.

Presidente de Brasil
Segue a: Humberto de Alencar Castello Branco	Artur da Costa e Silva (1967-1969)	Precede a: Emílio Garrastazu Médici
	ARENA