Aretusa (nereida)

Na Galipedia, a Wikipedia en galego.
Aretusa nun decadracma de Siracusa (Gabinete de Medallas do Museo de Belas Artes de Lión).

Aretusa foi, na mitoloxía grega, unha das Nereidas, as fillas de Nereo e Dóride (ou Doris), filla de Océano.

As Nereidas eran unhas divindades mariñas que poden personificar as ondas do mar. Os diferentes mitógrafos dan diferentes cifras e nomes destes seres, ó redor de cincuenta pero algún chega ás cen.

Aretusa só é mencionada na relación proporcionada por Hixino (Fábulas, prólogo, 8). Non se cita nas listas achegadas por Pseudo-Apolodoro (I, 2, 7), Hesíodo (240-263) nin Homero (XVIII, 39 ss).

Hixino engade que, seducida por Poseidón, tivo un fillo: Abante [1]. Outras fontes, non obstante, din que este era fillo de Calcón [2].

Notas[editar | editar a fonte]

  1. Fábulas 157.
  2. Grimal, s.v. Abante.

Véxase tamén[editar | editar a fonte]

Bibliografía[editar | editar a fonte]