Arame

Na Galipedia, a Wikipedia en galego.
Arame de espiño.

Chámase arame[1] a todo tipo de fío delgado que se obtén por estiramento dos diferentes metais de acordo coa propiedade de ductilidade que posúen os mesmos. Os principais metais para a produción de arame son: ferro, cobre, latón, prata, aluminio, entre outros. Porén, antigamente chamábase arame ó cobre e as súas aliaxes de bronce e latón. Caracterízase por ser un bo condutor da electricidade,[2][3] ademais de ser un bo condutor da calor.[3]

Características e tratamentos[editar | editar a fonte]

Arame de cobre. Cable eléctrico.

Hai moitos tipos e calidades de arame de acordo coas aplicacións que teñan. Asemade, o diámetro do arame é moi variable e non hai un límite exacto cando un fío pasa a denominarse barra no canto de arame. A principal característica do arame é que permite enrolarse en rolos ou bobinas de diferentes lonxitudes que facilitan a súa manipulación e transporte.[4]

O arame de cobre emprégase para fabricar cables eléctricos, así que o arame máis usado industrialmente é o que se fai de aceiro e de aceiro inoxidable.

O arame normal de aceiro adoita ter un tratamento superficial de galvanizado para protexelo da oxidación e corrosión e tamén hai arame endurecido con proceso de revenimento.

Notas[editar | editar a fonte]

  1. Definicións no Dicionario da Real Academia Galega e no Portal das Palabras para arame.
  2. Les conducteurs électriques, sur le site physique-chimie-college.fr
  3. 3,0 3,1 Définition de conducteur, sur le site mediadico.com - consulté le 11 octobre 2012
  4. Swiger Coil Systems. "Edgewound Coils". Swiger Coil Systems, A Wabtec Company. Consultado o 1 de xaneiro de 2011.