Antonio Correa Fernández
  | |
| Biografía | |
|---|---|
| Nacemento | 3 de abril de 1862 Baralla |
| Morte | 18 de setembro de 1907 (45 anos) Lugo |
| Educación | Universidade de Santiago de Compostela |
| Actividade | |
| Ocupación | xornalista |
| Familia | |
| Fillos | Asunción Correa Calderón, Evaristo Correa Calderón, Juan Antonio Correa Calderón |
    | |
Antonio Correa Fernández, nado en Baralla o 3 de abril de 1862 e finado o 18 de setembro de 1907, foi un médico, escritor e xornalista galego e un recoñecido rexionalista.
Traxectoria
[editar | editar a fonte]Estudou Medicina na Universidade de Santiago de Compostela, onde se licenciou en 1888. Conseguiu o título de doutor en Madrid en 1889, coa tese "Hospitalización de los tísicos o tuberculosos pulmonares" que publicou en libro o ano seguinte. Despois pasou a exercer na súa vila e máis tarde a Lugo, onde foi o primeiro médico en abrir consulta xinecolóxica.[1]
Colaborou nos xornais El Lucense e despois en La Idea Moderna e El Regional. En 1900 fundou e dirixiu o semanario El Monitor de Becerreá. Tamén colaborou en El Siglo Médico e El Diario Médico-Farmacéutico.
Foi académico correspondente da Real Academia de Medicina e Cirurxía de Barcelona e da Real Academia de Medicina de Madrid. Foi fundador[2] e un gran propagandista do balneario de Guitiriz, onde chegou a ser xerente.[1]
Casado con Filomena Calderón López, foi o pai de Asunción, Juan Antonio e Evaristo Correa Calderón.
Obras
[editar | editar a fonte]Narrativa
[editar | editar a fonte]- Los contrastes de la vida, 1887 (publicada por entregas no xornal El Lucense).
Ensaio
[editar | editar a fonte]- Hospitalización de los tísicos o tuberculosos pulmonares (1890). Lugo: Impr. J.M. Bravos.
- Ensayo de topografía médica de la provincia de Lugo (1891). Lugo: Impr. de El Regional.
- Estudio médico de los Insectos nocivos al hombre (1894). Lugo: Impr. J.M. Bravos.
- Los pecados y vicios capitales en el concepto médico, social y religioso (1898). Lugo: Establecimiento tipográfico de G. Castro.
- Tratamiento a que deben someterse los delincuentes.
- El trabajo y la salud. Influencia recíproca de estos factores en la duración de la vida humana (1907). Lugo: Tip. J.A. Menéndez.
- Minas de la provincia y ferrocarriles más económicos para su explotación, 1900.
- Historia fin de siglo, 1902.
- La poesía popular en Galicia. Colección de cantares en variedad de metros, 1907 (publicado como folletín en La Idea Moderna).
Notas
[editar | editar a fonte]- 1 2 Pardo de Neyra, Xulio. "Evaristo Correa Calderón". Consello da Cultura Galega. Álbum das Irmandades da Fala. Consultado o 24-10-2017.
- ↑ Fraga Vázquez, Xosé A. (2013). "Antonio Correa Fernández". Álbum da Ciencia. Consello da Cultura Galega. Arquivado dende o orixinal o 25-10-2017. Consultado o 24-10-2017.
