Anneke van Giersbergen

Anneke van Giersbergen
	;
Biografía
Nacemento	(nl) Anneke Maria van Giersbergen ; 8 de marzo de 1973 (51 anos); Sint-Michielsgestel, Países Baixos (pt)
Datos persoais
País de nacionalidade	Reino dos Países Baixos
Actividade
Ocupación	cantante , vocalista , pianista , guitarrista , artista discográfico
Período de actividade	1994 -
Membro de	The Gathering
Xénero artístico	Rock progresivo, Post-rock, Metal progresivo e música acústica (pt)
Tesitura	Mezzosoprano ; ;
Instrumento	Guitarra, piano e voz
Selo discográfico	Century Media Records
Páxina web	annekevangiersbergen.com

Anneke van Giersbergen, nada en Sint Michielsgestel o 8 de marzo de 1973, é a actual cantante e alma do proxecto Agua de Annique, pero é coñecida por se-la cantante e principal compositora da banda holandesa de rock The Gathering.

Durante a súa longa carreira musical coaborou con bandas da escena da música metal e gótica como Lawn, Ayreon e Napalm Death. A súa colaboración máis recente é a que fixo coa banda lusa Moonspell, cantando xunto a Fernando Ribeiro o primeiro sinxelo do disco Night Eternal, "Scorpion Flower".

Traxectoria[editar | editar a fonte]

Durante a súa infancia xa estivo ligada ao mundo da música, presentandose a concursos, colaborando nun coro infantil e máis adiante, tomando clases de canto. Na súa adolescencia pasou por diferentes bandas de diferentes estilos que influíron na súa carreira, como o jazz, o blues e o rock.

O éxito na escena europea chegoulle de mans da banda holandesa The Gathering, na que entrou a formar parte en 1994, cun son con tendencias máis escuras nos seus comezos e que foron evolucionando cos anos a ramas máis suaves; sempre coa característica voz de Anneke, que pronto lle deu recoñecemento no ámbito do rock e metal. Pronto cheganlle proxectos cos que colaborar:

1998, coa banda holandesa Ayreon, no disco, Into a Electric Castle.
2006, aparece no disco Icon II: Rubicon, de John Wetton e Geoffrey Downes. Neste mesmo ano colabora con Napalm Death.
2007, colabora coa banda Within Temptation, facendo dueto coa súa cantante Sharon Den Adel, cantando o tema "Somewhere" para o DVD da agrupación holandesa.
2008, xunto co cantante da banda lusa Moonspell, grava o sinxelo "Scorpion Flower" do disco Night Eternal.

No ano 2007 Anneke separouse de The Gathering para centrarse no seu propio proxecto, Agua de Annique, con influencias que van dende o rock ata o jazz, e co que sacaría o disco titulado Air, ese mesmo ano.