Andrés Landín

Na Galipedia, a Wikipedia en galego.
Andrés Landín
Andrés Landín 1910.jpg
Andrés Landín, retrato en Vida Gallega, 1910.
Nacemento 1846
Lugar Nogueira, Meis
Falecemento 18 de febreiro de 1910
Lugar Pontevedra
Nacionalidade España
Ocupación xornalista e político
editar datos en Wikidata ]

Andrés Landín, nado en Nogueira (Meis) en 1846 e finado en Pontevedra o 18 de febreiro de 1910[1], foi un impresor, xornalista e político galego.

Traxectoria[editar | editar a fonte]

Instalouse en Pontevedra. Foi propietario da imprenta A. Landín (1868-69), que despois se denominou Landín y Compañía (1871) e finalmente A. Landín (1873-1900). No seu obradoiro imprimíronse moitos libros e periódicos como El Payaso, La República Federal (do que foi redactor), El Progreso, El Orden, La Crónica, La República e Extracto de Literatura. Fundou e dirixiu La Luz, El Lérez, El Noticiero Gallego e Diario de Pontevedra. Foi un "riestrista" e "monterista" moi destacado. Foi concelleiro e Primeiro Tenente Alcalde de Pontevedra e vicepresidente da Cámara de Comercio de Pontevedra.

Vida persoal[editar | editar a fonte]

Casou con Dolores Tobío e foi pai de Prudencio Landín Tobío.

Notas[editar | editar a fonte]

  1. Necrolóxica en Diario de Pontevedra, 19-2-1910, p. 2.