Anatolii Nicoláevich Svetovidov
| Biografía | |
|---|---|
| Nacemento | 3 de novembro de 1903  Moscova, Rusia |
| Morte | 26 de abril de 1985 (81 anos) |
| Lugar de sepultura | Cemitério de Komarovo (pt)  |
| Datos persoais | |
| País de nacionalidade | Imperio Ruso Unión Soviética República Socialista Soviética Federativa de Rusia |
| Educación | Russian State Agricultural University (en) |
| Actividade | |
| Campo de traballo | Ictioloxía |
| Ocupación | ictiólogo |
| Membro de | |
Premios | |
Anatolii Nicoláevich Svetovidov (en ruso Световидов, Анатолий Николаевич), nado en Feryazkino, condado de Staritskii, provincia de Tver, Imperio ruso, o 21 de outubro (3 de novembro) de 1903 e finado en Moscova o 26 de abril de 1985, foi un zoólogo ruso especializado en ictioloxía.
Traxectoria[editar | editar a fonte]
En 1925 graduouse na Academia Agrícola de K. A. Timiríazev (Moscova) e, a partir de 1932, traballou no Instituto Zoolóxico da Academia de Ciencias da URSS, especialmente no estudo das variacións intraespecíficas, así como na taxonomía de peixes e na filoxenia baseada na morfoloxía comparativa e funcional.
Tamén estudou a dinámica das poboacións, a orixe e a distribución xeográfica dos peixes, especialmente do bacallau e o arenque.[1]
En 1953 foi nomeado membro correspondente da Academia de Ciencias da URSS.
Foi o creador da subfamilia dos Merlucciinae en 1948.[2]
Faleceu en Moscova o 26 de abril de 1985, aos 81 anos, está soterrado no cemiterio de Komarovske de San Petersburgo.
Principais obras[editar | editar a fonte]
- 1931 – "Materiais para a taxonomía e bioloxía dos tímalos do lago Baikal". Proc. da Estación limnolóxica do Baikal. Academia Rusa das Ciencias. T. 1.-S. 19-199.
- 1936 – "O tímalo euroasiático (xénero Thymallus Cuvier)". Proc. Zool. Instituto da Academia Rusa das Ciencias. T. 3. S. 183-301.
- 1943 – "O xénero Alosa nos mares Caspio e Negro e as condicións da súa especiación". Zool. Journal. 22 (4) S.: 222-232.
- 1948 – Fauna da URSS. Peixes. Gadiformes. Leningrado: ANSSSR. T. IX. Número 4. 22, 1948* 1952 – Fauna da URSS. Peixes. Volume 2, nº 1. Clupeidos (Clupeidae). Moscova-Leningrado: Editorial da Academia Rusa das Ciencias (ANSSSR).
- 1964 – Peixes do Mar Negro. Moscova: Nauka.
Notas[editar | editar a fonte]
- ↑ Svetovidov, Anatolii en The Free Dictionary.
- ↑ Merlucciinae en WoRMS.
Véxase tamén[editar | editar a fonte]
Ligazóns externas[editar | editar a fonte]
- Anatolii Svetovidov na páxina web oficial da Academia de Ciencias Rusa.
- Laboratorio de Ictiloloxía (en ruso)
