Amendoado
| Amendoado | |
 Amendoados de Melide. | |
| Tipo | Doce |
| Orixe | Melide / Ribadavia / Allariz,  Galicia
|
| Ingredientes | |
| Orixe animal | Ovo |
| Orixe vexetal | Azucre Améndoa Oblea |
O amendoado é un doce característico das vilas medievais galegas como Melide (onde comparte protagonismo co rico e co melindre na festa do melindre e da repostaría tradicional de Melide),[1] Ribadavia ou Allariz.
Características
[editar | editar a fonte]O froito da amendoeira non se cultiva no país. A tese máis popular é que sexa un produto introducido por arrieiros casteláns que intercambiaban mercadorías nas viaxes de ida e volta polos camiños. A améndoa ten unha maior presenza nas vilas medievais con mosteiros, como o franciscano de Melide, onde se trocaba o aceite, améndoa ou mel da Alcarria por bacallau, nun constante intercambio de produtos.[2]
Na súa elaboración o doceiro deixa primeiro que se arrefríe a améndoa torrada. Separa a clara da xema dos ovos e mestura. Prepara unha bandexa para forno con oblea cortada sobre ela para a base do doce e antes da cocción apolvilla con azucre a peza.
En Galicia
[editar | editar a fonte].jpg)
Os amendoados de Allariz son unha sobremesa tradicional dentro da provincia de Ourense, típica do concello de Allariz. Son unha mestura de améndoa moída, azucre e clara de ovo. Cando está sólida a masa resultante colócase en anacos por riba dunhas obleas e lévase ao forno.
Notas
[editar | editar a fonte]- ↑ Feira do Melindre e da Repostaría tradicional de Melide.
- ↑ Broz Rei, Xose Manuel; Coi Vazquez, Socorro (2017). A Repostaría de Melide. Asociación de Repostaría Tradicional Melide Terra Doce.