As Alphaproteobacteria comprenden maioritariamente xéneros fotótrofos, pero tamén varios xéneros que metabolizan compostos dun só carbono (por exemplo, Methylobacterium spp.), simbiontes de plantas (por exemplos, Rhizobium spp.) e animais, e un grupo de patóxenos, as Rickettsiaceae. Ademais, os precursores das mitocondrias das células eucarióticas pénsase que se orixinaron a partir de Rickettsia spp. (ver teoría endosimbiótica). Debido ás súas propiedades simbióticas, os investigadores usan frecuentemente as Alphaproteobacteria do xénero Agrobacterium nas técnicas de transferencia de xenes alleos a xenomas de plantas, e teñen tamén moitas outras aplicacións biotecnolóxicas.[3]
As bacterias fotótrofas anoxixénicas aeróbicas son alfaproteobacterias, e son unha parte do plancto mariño de ampla distribución, que poden chegar a supoñer o 10% de toda a comunidade microbiana de alta mar.
A clase Alphaproteobacteria comprende dez ordes, que son: Magnetococcales, Rhodobacterales, Rhodospirillales, Rickettsiales, Sphingomonadales, Caulobacterales, Kiloniellales, Kordiimonadales, Parvularculales e Sneathiellales.[4][5] Nas árbores filoxenéticas baseadas en secuencias concatenadas de grandes conxuntos de datos de proteínas, as especies destes ordes das que xa se secuenciou o xenoma ramifícanse na seguinte orde, desde a rama máis antiga á máis recente: Magnetococcales-Rickettsiales-Rhodospirillales-Sphingomonadales-Rhodobacterales-(Caulobacterales-Parvularculales)- Rhizobiales.,[6][7][8] As análises comparativas dos xenomas secuenciados levaron á descuberta de moitas mutacións por insercións e delecións (indeis) conservados en proteínas amplamente distribuídas e nas proteínas completas (é dicir, proteínas "sinatura"), que son características distintivas ou ben de todas as Alphaproteobacteria, ou ben das súas ordes principais (Rhizobiales, Rhodobacterales, Rhodospirillales, Rickettsiales, Sphingomonadales e Caulobacterales) e familias (Rickettsiaceae, Anaplasmataceae, Rhodospirillaceae, Acetobacteraceae, Bradyrhiozobiaceae, Brucellaceae e Bartonellaceae). Estas sinaturas moleculares proporcionan novos métodos para clasificar estes grupos taxonómicos e para a identificación e asignación de novas especies a cada un dos grupos.[6][9] Análises filoxenéticas e indeis conservados en gran cantidade doutras proteínas fornecen evidencias de que as Alphaproteobacteria se ramificaron antes ca moitos outros filos e clases de bacterias, agás as Betaproteobacteria e Gammaproteobacteria.[10][11]
↑ 6,06,1Gupta, R.S. and Mok, A. (2007) Phylogenomics and signature proteins for the alpha Proteobacteria and its main groups. BMC Microbiol. 2007 Nov 28;7(1):106; PMID 18045498
↑Williams KP, Sobral BW, Dickerman AW: A robust species tree for the Alphaproteobacteria. J Bacteriol. 2007 Jul;189(13):4578-86. PMID 17483224
↑Bazylinski DA, Williams TJ, Lefèvre CT, Berg RJ, Zhang CL, Bowser SS, Dean AJ, Beveridge TJ. (2012) Magnetococcus marinus gen. nov., sp. nov., a marine, magnetotactic bacterium that represents a novel lineage (Magnetococcaceae fam. nov.; Magnetococcales ord. nov.) at the base of the Alphaproteobacteria.
Int J Syst Evol Microbiol. DOI 10.1099/ijs.0.038927-0
↑Gupta RS: Protein signatures distinctive of Alphaproteobacteria and its subgroups and a model for Alpha proteobacterial evolution. Crit Rev Microbiol 2005, 31: 135. PMID 15986834
↑Gupta, R.S. (2000) Phylogeny of Proteobacteria: Relationships to other eubacterial phyla and to eukaryotes. FEMS Microbiol. Rev. 24: 367-402.
↑Gupta, R.S. and Sneath, P.H.A. (2007) Application of the Character compatibility approach to generalized molecular sequence data: Branching order of the Proteobacterial subdivisions. J. Mol. Evol. 64: 90-100.
