Alfabeto éuscaro

Alfabeto éuscaro
Instancia de alfabeto derivado do latino
Características  Uso lingua éuscara  Alfabeto alfabeto latino
Códigos e identificadores Freebase /m/084ws0
Wikidata

O alfabeto éuscaro (en éuscaro: euskal alfabetoa) é o alfabeto utilizado para escribir a lingua éuscara. Segundo á Euskaltzaindia, o alfabeto éuscaro contén 27 letras.

Listaxe de letras

O alfabeto éuscaro componse das 26 letras do alfabeto latino básico ISO, mais o ñ (e o ç, como variante do c).

Na seguinte lista recóllense os nomes de todas as letras, así como a súa fonoloxía segundo o Alfabeto Fonético Internacional.

Letra	Nome en éuscaro	Pronuncia
A	a	/a/
B	be	/b/, β̞
C	ze* (e a súa variante Ç ze hautsia*)	/s/, /k/
D	de	/d̪/, [ð̞]
E	e	/e/
F	efe	/f/
G	ge	/ɡ/, ɣ̞
H	hatxe	∅, ɦ
I	i	/i/, /i̭/
J	jota	/j/, /x/, ʝ, ɟ
K	ka	/k/
L	ele	/l/
M	eme	/m/
N	ene	/n/
Ñ	eñe	/ɲ/
O	o	/o/
P	pe	/p/
Q	ku*	/k/
R	erre	/r/, ɾ
S	ese	/s̺/
T	te	/t̪/
U	u	/u/, /u̯/
V	uve*	/b/, [β̞]
W	uve bikoitza*	/u̯/
X	ixa	/ʃ/
Y	i grekoa*	/i/, /i̭/, /j/
Z	zeta	/s̻/
* Aínda que as letras C, Ç, Q, V, W e Y non se usan normalmente, están incluídas para escribir estranxeirismos.

Todas as letras e dígrafos representan fonemas únicos. As excepcións son l, n e ás veces t cando son precedidos por i; xa que en moitos dos dialectos se palatalizan nos sons ʎ, ɲ e c, mesmo aínda que non se escriban.

O h é mudo en moitas rexións, pero pronúnciase na maior parto do nordeste, motivo polo que existe no alfabeto éuscaro.

Dígrafos

Existen varios dígrafos (letras sucesivas que representan un único son):

DD ɟ, LL ʎ, RR r, TS t͡s̺, TT c, TX t͡ʃ, TZ t͡s̻

Véxase tamén

Ligazóns externas

• The Basque Alphabet