Alda Lara
| Biografía | |
|---|---|
| Nacemento | 9 de xuño de 1930  Benguela |
| Morte | 30 de xaneiro de 1962 (31 anos) Cambambe (pt)  |
| Datos persoais | |
| País de nacionalidade | Angola |
| Educación | Universidade de Coímbra - medicina (1948–1952) Universidade de Lisboa |
| Actividade | |
| Campo de traballo | Poesía |
| Lugar de traballo | Provincia de Benguela Cambambe (pt) |
| Ocupación | poeta , activista política , médica , escritora , ensaísta |
| Membro de | |
| Lingua | Lingua portuguesa |
| Familia | |
| Cónxuxe | Orlando de Albuquerque |
Alda Ferreira Pires Barreto de Lara Albuquerque, nada en Benguela o 9 de xuño de 1930 e finada en Cambambe o 30 de xaneiro de 1962, foi unha poeta portuguesa de orixe angolana, coñecida como Alda Lara[1][2].
Traxectoria[editar | editar a fonte]
Foi irmá do poeta Ernesto Lara Filho. Recibiu unha educación cristiá. Foi a unha escola feminina en Sá da Bandeira, e despois mudouse a Lisboa, onde concluíu os estudos secundarios[3]. Estudou Medicina na Universidade de Lisboa e a Universidade de Coímbra[4]. Residiu na Casa dos Estudantes do Império (CEI), e colaborou nas actividades do centro. En 1961 regresou a Angola[4].
Comezou a publicar na revista literaria Mensagem, centrada nas colonias africanas. Despois colaborou en Jornal de Benguela, Jornal de Angola e ABC e Ciência.[3] A súa obra foi coñecida despois da súa morte, logo de ser publicada polo seu marido, o escritor de orixe mozambicana Orlando Albuquerque.[5], con quen tivo catro fillos. A súa obra fala da maternidade e dos seus nenos, así como da liberdade e a xustiza.[4] Boa parte da súa poesía reflicte a insatisfacción co status quo colonial do Imperio portugués[1].
Despois da súa morte, o concello de Sá da Bandeira (actual Lubango) instituíu o Premio Alda Lara de poesía.
Obra publicada[editar | editar a fonte]
Poesía[editar | editar a fonte]
- Poemas (1966, Publicações Imbondeiro)
- Poesia (1979, União dos Escritores Angolanos)
- Poemas (1984, Vertente Ltda). Poemas completos[6]
Contos[editar | editar a fonte]
- Tempo de chuva (1973, Lobito)[7]
Notas[editar | editar a fonte]
- ↑ 1,0 1,1 "Alda Lara". Nação Ovimbundu.org (en portugués). Consultado o 6 de novembro de 2016.
- ↑ Margaret Busby (ed.), Daughters of Africa: An International Anthology of Words and Writings by Women of African Descent from the Ancient Egyptian to the Present, Londres: Jonathan Cape, 1992; Vintage, 1993.
- ↑ 3,0 3,1 "Biografia de Alda Lara". Lusophonia Poetica (en portugués). Arquivado dende o orixinal o 07 de novembro de 2016. Consultado o 6 de novembro de 2016.
- ↑ 4,0 4,1 4,2 Sheldon, Kathleen (2016). Historical Dictionary of Women in Sub-Saharan Africa (2ª ed.). Rowman & Littlefield. p. 155. ISBN 1442262931.
- ↑ "Alda Lara". Infopédia (en portugués). Consultado o 5 de febreiro de 2011.
- ↑ "Alda Lara". Lusofonia Poética (en portugués). Arquivado dende o orixinal o 02 de novembro de 2010. Consultado o 5 de febreiro de 2011.
- ↑ "Quem é quem - Alda Lara". União dos Escritores Angolanos (en portugués). Arquivado dende o orixinal o 22 de outubro de 2010. Consultado o 5 de febreiro de 2011.
