Albino Jara

Para outras páxinas con títulos homónimos véxase: Albino.

Albino Jara
Presidente de Paraguai
Período	17 de xaneiro de 1911 - 5 de xullo de 1911
Antecesor	Manuel Gondra
Sucesor	Liberato Marcial Rojas
Datos persoais
Nacemento	28 de febreiro de 1877
	Luque
Falecemento	15 de maio de 1912
	Asunción
Organización	Partido Liberal Radical Auténtico
Profesión	militar
[ editar datos en Wikidata ]

Albino Jara Benegas, nado o 28 de febreiro de 1877 en Luque e finado o 15 de maio de 1912 en Asunción, foi un militar e presidente "de facto" da República de Paraguai en 1911.

Traxectoria

Estudou ata o cuarto curso na Facultade de Dereito. Aos 20 anos obtén unha bolsa de estudos en Chile, na Academía Militar; de aí sae como alférez. De regreso ao seu país ascende a tenente e en 1904 a capitán. En 1908 é ascendido a coronel. Pasarían 3 anos ata que realizase un golpe de estado e se autoproclamase presidente, derrocando ao presidente constitucional, Manuel Gondra.

Asumiu o cargo o 17 de xaneiro de 1911, aos 33 anos de idade. Durante o seu goberno estableceuse un sistema educativo comparado cos modelos de Estados Unidos e Europa^{[Cómpre referencia]}. Foron pavimentados 40 km² das rúas de Asunción^{[Cómpre referencia]}, fundou o Instituto Histórico e Xeográfico de Paraguai, e traballou para que o ferrocarril chegará ata a cidade de Encarnación para posteriormente unirse a conexión con Posadas (Arxentina).

O 5 de xullo de 1911 foi deposto e levado ao porto para expulsalo cara a Bos Aires.

En 1912 retornou a Paraguai. Quixo organizar unha revolución contra o goberno de Pedro Pablo Peña, pero non o logrou. Ferido de bala na acción foi encarcerado e, como consecuencia das feridas, faleceu o 15 de maio de 1912.

Presidente de Paraguai
Segue a: Manuel Gondra	Albino Jara (17 de xaneiro-5 de xullo 1911)	Precede a: Liberato Marcial Rojas
	Partido Liberal Radical Auténtico