Alain Dubois

Alain Dubois
Biografía
Nacemento	4 de xuño de 1948 (75 anos); París, Francia
Datos persoais
País de nacionalidade	Francia
Actividade
Ocupación	herpetólogo
Empregador	Museo Nacional de Historia Natural de Francia
Lingua	Lingua francesa
Obra
Doutorando	Stéphane Grosjean (en) e Elise Tancoigne (en)
Abreviatura do autor en zooloxía	Dubois

Alain Dubois, nado o 4 de xuño de 1948, é un herpetólogo francés.

Traxectoria[editar | editar a fonte]

Docteur d'Etat (Doutor de Estado) en zooloxía, é profesor de zooloxía e foi director do Laboratoire reptiles-amphibiens (Laboratorio de herpetoloxía) do Museo Nacional de Historia Natural de Francia (MNHN) de París.^[1]

Especialista na sistemática de anfibios, da nomenclatura e taxonomía zoolóxica e de terminoloxía biolóxica. Foi director do laboratorio de Herpetoloxía da MNHN. Foi xefe de redacción das revistas Amphibia Reptilia e Alytes,xefe de redacción de Bionomina e editor de nomenclatura de Zootaxa.^[1]

Alain Dubois está especializado no estudo dos anfibios actuais e é coñecido por ser o autor de notábeis traballos sobre a súa taxonomía, a súa evolución e a súa bioxeografía.

É tamén autor de traballos sobre a noción de xénero en bioloxía como Le genre en zoologie: essai de systématique théorique (1988). Foi un dos membros fundadores da Société Française de Systématique (Sociedade Francesa de Sistemática).

A el débese a descrición dunha nova suborde de urodelos, a dos sirenoideos (Sirenoidea), aínda non aceptada por todos os autores.

Na actualidade é coordinador de grupo e especialista taxonómico en Fauna Europaea.