Adobe Photoshop

Adobe Photoshop
	Nome curto Ps
	Instancia de editor de imaxes rasterizadas; programa de gráficos 2D; programa de gráficos 3D; editor de gráficos vectoriais; editor gráfico
	Uso manipulación fotográfica; impresión; retoque; edición de imaxes
	Linguas múltiples linguas
Persoas e organizacións
	Desenvolvedor Adobe
	Creador/a Thomas Knoll; John Knoll
Produción
	Versións 27.0 versión estábel (28 de outubro de 2025); 24.4 versión estábel (18 de abril de 2023); 24.4.1 versión estábel (20 de abril de 2023); 24.3 versión estábel (22 de marzo de 2023); 24.2.1 versión estábel (10 de marzo de 2023); 24.2 versión estábel (24 de febreiro de 2023); 24.5 versión estábel (23 de maio de 2023); 24.7 versión estábel (27 de xullo de 2023); 24.6 versión estábel (21 de xuño de 2023); 25.1 versión estábel (26 de outubro de 2023); 25.0 versión estábel (13 de setembro de 2023); 25.2 versión estábel (29 de novembro de 2023); 24.1.1 versión estábel (20 de xaneiro de 2023); 24.0.1 versión estábel (18 de novembro de 2022); 23.4 versión estábel (14 de xuño de 2022); 23.3.2 versión estábel (10 de maio de 2022); 23.3.1 versión estábel (21 de abril de 2022); 24.1 versión estábel (13 de decembro de 2022); 23.4.1 versión estábel (16 de xuño de 2022); 23.5 versión estábel (18 de agosto de 2022); 23.4.2 versión estábel (19 de xullo de 2022); 24.0 versión estábel (18 de outubro de 2022); 23.5.1 versión estábel (13 de setembro de 2022); 23.3 versión estábel (12 de abril de 2022); 25.3.1 versión estábel (15 de decembro de 2023); 25.5 versión estábel (22 de febreiro de 2024); 26.6 versión estábel (24 de abril de 2025); 26.6.1 versión estábel (9 de maio de 2025); 26.5 versión estábel (27 de marzo de 2025); 26.4.1 versión estábel (27 de febreiro de 2025); 26.4 versión estábel (27 de febreiro de 2025); 26.7 versión estábel (21 de maio de 2025); 26.8.1 versión estábel (26 de xuño de 2025); 26.8 versión estábel (17 de xuño de 2025); 26.9 versión estábel (29 de xullo de 2025); 21.1.1 versión estábel (18 de marzo de 2020); 25.4 versión estábel (25 de xaneiro de 2024); 26.3 versión estábel (29 de xaneiro de 2025); 26.1 versión estábel (20 de novembro de 2024); 25.7 versión estábel (23 de abril de 2024); 25.6 versión estábel (19 de marzo de 2024); 25.5.1 versión estábel (12 de marzo de 2024); 26.2 versión estábel (18 de decembro de 2024); 25.9 versión estábel (22 de maio de 2024); 25.11 versión estábel (23 de xullo de 2024); 25.9.1 versión estábel (11 de xuño de 2024); 26.0 versión estábel (14 de outubro de 2024); 25.12 versión estábel (10 de setembro de 2024); 26.10 versión estábel (20 de agosto de 2025); 23.2.2 versión estábel (15 de marzo de 2022); 23.2 versión estábel (15 de febreiro de 2022); 5 versión estábel (maio de 1998); 6 versión estábel (setembro de 2000); 7 versión estábel (marzo de 2002); 8 versión estábel (outubro de 2003); 18.1.1 versión estábel (2 de maio de 2017); 21.0.3 versión estábel (xaneiro de 2020); 20.0 versión estábel (outubro de 2018); 21.1.2 versión estábel (14 de abril de 2020); 21.1.0 versión estábel (21 de febreiro de 2020); 21.1.3 versión estábel (19 de maio de 2020); 9 versión estábel (4 de abril de 2005); 11 versión estábel (15 de outubro de 2008); 16 versión estábel (15 de xuño de 2015); 17 versión estábel (20 de xuño de 2016); 18 versión estábel (2 de novembro de 2016); 10 versión estábel (16 de abril de 2007); 15 versión estábel (xuño de 2014); 13 versión estábel (7 de maio de 2012); 14 versión estábel (17 de xuño de 2013); 12 versión estábel (30 de abril de 2010); 23.2.1 versión estábel (24 de febreiro de 2022); 21.2 versión estábel (16 de xuño de 2020); 21.2.2 versión estábel (17 de agosto de 2020); 23.0 versión estábel (26 de outubro de 2021); 22.5.1 versión estábel (14 de setembro de 2021); 22.5 versión estábel (17 de agosto de 2021); 22.4.3 versión estábel (20 de xullo de 2021); 23.0.1 versión estábel (10 de novembro de 2021); 23.1 versión estábel (14 de decembro de 2021); 23.0.2 versión estábel (23 de novembro de 2021); 23.1.1 versión estábel (19 de xaneiro de 2022); 22.4.2 versión estábel (8 de xuño de 2021); 26.11 versión estábel (24 de setembro de 2025); 22.0 versión estábel ; 22.1.0 versión estábel (8 de decembro de 2020); 21.2.4 versión estábel ; 21.2.3 versión estábel (9 de setembro de 2020); 22.0.1 versión estábel ; 22.3.1 (13 de abril de 2021); 22.3 ; 20.0.1 (novembro de 2018); 22.1.1 (12 de xaneiro de 2021); 21.2.1 (21 de xullo de 2020); 19.0 (18 de outubro de 2017); 22.4.1 (19 de maio de 2021); 22.2 (9 de febreiro de 2021); 22.4
	Licenza shareware (pt)
Características
	Sistema operativo Microsoft Windows; macOS; iPadOS
Datas e cronoloxía
	Publicación 1990
	Creación 19 de febreiro de 1990
Fontes e ligazóns
	Blog oficial blogs.adobe.com…
	Páxina WEB adobe.com…
	Redes
	Wikidata C:Commons

Adobe Photoshop é un programa informático editor de imaxes bidimensionais do tipo bitmap (posuíndo aínda algunhas capacidades de edición típicas dos editores vectoriais) desenvolvido pola empresa Adobe. É considerado o líder no mercado dos editores de imaxe profesionais, así como o programa de facto para edición profesional de imaxes dixitais e traballos de preimpresión.

A súa máis recente versión é identifidada como Adobe Photoshop CS6 (sigla cuxo significado é Creative Suite 6, correspondente á décimo terceira edición desde o seu lanzamento), dispoñible para os sistemas operativos Microsoft Windows e Mac OS X. As versións anteriores ata a 7.0 poden ser usadas noutros sistemas operativos, como o Linux, por medio de programas como o Crossover Office. Algunhas versións anteriores foran lanzadas tamén para IRIX, mais o servizo a esta versión foi suspendido despois da versión 3.0.

Desenvolvemento

Os irmáns Thomas Knoll e John Knoll iniciaran o desenvolvemento do Photoshop en 1987 e a versión 1.0 foi lanzada por Adobe en 1990. O programa estaba destinado desde o inicio como ferramenta de manipulación de imaxes provenientes de dixitalizadores ou escáneres, que eran raros e moi custosos naquela época.

Características

A pesar de ser concibido para edición de imaxes para impresión en papel, o Photoshop está a ser cada vez máis usado para producir imaxes destinadas á World Wide Web. As versións posteriores inclúen un segundo programa, o Adobe ImageReady, moi semellante ao Photoshop, que é utilizado en conxunto para a edición e creación de imaxes e animacións para a rede, desaparecendo na última versión, a CS3.

O Photoshop tamén admite a edición con outros tipos de programas de Adobe, especializados en determinadas áreas: o xa referido Adobe ImageReady (edición de imaxes para a web), Adobe InDesign (edición de texto), Adobe Illustrator (edición de gráficos vectoriais), Adobe Premiere (edición de vídeo non-lineal), Adobe After Effects (edición de efectos especiais en vídeo) e o Adobe Encore DVD (edición destinada a DVDs). O formato de arquivos nativos do Photoshop (PSD ou PDD) poden ser usados entre estes programas.

A título de exemplo, o Photoshop CS permite facer elementos da interface gráfica de DVDs (menús e botóns), desde que dispostos separadamente no ficheiro orixinal (PSD ou PDD) por camadas (layers) agrupadas por orde específica, de forma que, ao ser importado polo Adobe Encore DVD, este consiga crear a edición para DVD con eses elementos.

O uso das capas non é un recurso novo inventado polos desenvolvedores do Photoshop; foi desenvolvido hai moito tempo polos ilustradores. Segundo Richard Valliere no seu libro, Manipulator of Movement: “[...]en decembro de 1914 foi patentada aquela que efectivamente foi a maior contribución técnica para a animación tradicional ata a chegada da computación gráfica: o deseño sobre follas de celuloide transparente ou acetato”. Esa innovación coubo ao animador norteamericano Earl Hurd."^[1]

Por tanto, é máis un recurso existente no mundo real que foi aproveitado pola ferramenta Photoshop para facilitar o traballo dos seus usuarios, así como certos efectos que reproducen técnicas de pintura, máscaras, unha técnica moi utilizada en artes gráficas e impresión offset.

Os formatos de ficheiros nativos poden ser importados de programas da competencia, como o Corel Photo-Paint, Pixel32, WinImages, GIMP, Corel Paint Shop Pro etc.).

O Photoshop admite varios espazos de cor (color spaces):

sRGB (punto branco=D65) - RGB no Photoshop
Lab (punto branco=D50)
CMYK
Escala de grises (Grayscale)

A versión máis recente, de 2007, é a versión 9.0.2. Tamén chamada de "Photoshop CS3", unha vez que "CS" indica a súa integración no paquete de programas Adobe Creative Suite; en canto ao número "3" é por ser a terceira versión, desde que a Adobe reformulou a imaxe de marca dos seus programas, sobre a "marca-nai" (no inglés umbrella brand) "Creative Suite". Nunha tentativa de se separar da imaxe de marca anterior do Photoshop, entre as versións 3 e 7, en que presentaba o ollo humano (nun concepto de visión e imaxe), nas dúas primeiras versións do "Creative Suite" utiliza imaxes de plumas estilizadas (como referencia á escrita e pintura con plumas de aves), mais recentemente, xa na terceira edición do "CS", a imaxe foi cambiada por un cadrado coas letras "PS" no centro.

Recentemente, Adobe incluíu o Adobe Camera RAW, un plugin desenvolvido por Thomas Knoll que permite ler varios formatos de ficheiros RAW, provenientes principalmente de máquinas fotográficas profesionais. Unha versión preliminar deste plugin estivo opcionalmente dispoñible para o Photoshop 7.0.1 .

En canto o Photoshop é practicamente utilizado por profesionais, monopolizando mesmo este mercado, o seu prezo elevado deixa marxe para que outros programas concorrentes gañen mercado noutras faixas, como por exemplo, o GIMP, un programa gratuíto. Para competir neste mercado, e tamén para combater a piratería de que o Photoshop é obxectivo, Adobe lanzou un programa semellante para o uso doméstico, o Adobe Photoshop Elements, mais con moitas funcións profesionais desactivadas do Photoshop orixinal. Mentres o Adobe Photoshop CS3 é vendido por uns 800 euros (versión inglesa), o Adobe Photoshop Elements 4.0 custa apenas 130 euros, permitíndolle gañar terreo no mercado doméstico, e sendo mesmo, ás veces, incluído en dixitalizadores de diversas marcas. Como é obvio, esta versión limitada non se adecúa ao mercado de preimpresión profesional, dado que unha das principais características eliminadas deste software sexa o modo de cores CMYK.

O Photoshop non admite nativamente moitos dos algoritmos de imaxe (Image Arithmetics) que o Corel Paint Shop Pro e outros editores de bitmaps utilizan. No entanto, ese problema pode ser resolto a través do Filter Factory, un plugin gratuíto dispoñible nos discos de instalación do Photoshop, a partir da versión 3.0.

Formato PSD

Formato patrón da Adobe para documentos do Photoshop pero admitido por moi poucos programas fóra do Adobe Photoshop. Posúe moitos recursos extras como image layering. A gran vantaxe dese formato é que mantén todas as capas de seu proxecto no photoshop, sendo posible poder reeditalos máis tarde.

Historia dos lanzamentos

Versión	Plataforma	Nome de código	Data de lanzamento	Alteracións significativas
0.63	Mac OS		Outubro de 1988
1.0	Mac OS		Febreiro de 1990
2.0	Mac OS	Fast Eddy	Xuño de 1991	Introdución de Paths (permitindo deseño vectorial)
2.0.1	Mac OS		Xaneiro de 1992
2.5	Mac OS	Merlin	Novembro de 1992
2.5	Windows	Brimstone	Novembro de 1992
2.5.1	Mac OS		1993
3.0	Mac OS	Tiger Mountain	Setembro de 1994	Paletas tabeladas (Tabbed Palettes) Camadas (layers)
3.0	Windows, IRIX		Novembro de 1994	Paletas tabeladas (Tabbed Palettes) Camadas (layers)
4.0	Mac OS, Windows	Big Electric Cat	Novembro de 1996	Camadas axustábeis (Adjustment Layers) Tipos de letra editábeis (nas versións anteriores, o texto era convertido para o formato raster despois de introducido)
4.0.1	Mac OS, Windows		Agosto de 1997
5.0	Mac OS, Windows	Strange Cargo	Maio de 1998	Desfacer múltiplo (Multiple Undo) a través da paleta "historia" (History Palette), anteriormente só permitía desfacer unha vez. Xestión de cor (color Management)
5.0.1	Mac OS, Windows		1999
5.5	Mac OS, Windows		Febreiro 1999	O paquete do programa inclúe o Adobe ImageReady Extraer (Extract) Figuras xeométricas vectoriais
6.0	Mac OS, Windows	Venus in Furs	Setembro de 2000	Ferramenta Healing Brush Filtro Liquify
6.1	Mac OS, Windows		Marzo de 2001
7.0	Mac OS, Windows	Liquid Sky	Marzo de 2001	Texto totalmente vectorial Ferramenta Healing Brush Novo "motor" de pintura (painting engine)
7.0.1	Mac OS, Windows		Agosto de 2002	Plugin opcional "Camera RAW 1.x"
CS (8.0)	Mac OS, Windows	Dark Matter	Outubro de 2003	Plugin "Camera RAW 2.x" incluído de raíz Comando "sombra e altas-luces" (Shadow/Highlight) Comando corresponder/igualar á cor (Match Colour) Filtro Lens blur Histograma en tempo real (Real-Time Histogram) Sistema de detección automática impedido a impresión de imaxes dixitalizadas dalgúns tipos de papel moeda.
CS2 (9.0)	Mac OS, Windows	Space Monkey	Abril de 2005	Plugin "Camera RAW 3.x" Ferramenta Smart Object Image Warp Spot healing brush Ferramenta de redución do efecto dos ollos vermellos (Red-Eye tool) Filtro Lens Correction Smart Sharpen Punto de fuga (Vanishing Point) Xestión mellorada de memoria RAM en Macintosh de 64-bits a correr Mac OS X 10.4 Admite o High dynamic range imaging Filtro Shape Blur
CS3 (10.0)	Mac OS, Windows	Red Pill	16 de abril de 2007	Interface revisada Funcións adicionais para o Adobe Camera RAW Ferramenta Quick Select Alteracións en Curves, Vanishing Point, Channel Mixer, Brillo e Contraste(Brightness and Contrast), e no diálogo de impresión. Axuste para conversión en Branco e Negro (Black-and-white) Smart Filters, con filtros non destrutivos Optimización de gráficos para dispositivos móbiles Novas aplicacións en cloning e healing Funcionamento mellorado en 32 bit / HDR (camadas, painting, e mais filtros e axustes) Apertura rápida do programa Funcionamento nativo para Macintosh con procesadores Intel e un probable funcionamento con Windows Vista
CS4 (11.0)	Mac OS, Windows	Stonehenge	30 de outubro de 2008
CS5 (12.0)	Mac OS, Windows	White Rabbit	12 de abril de 2010
CS6 (13.0)	Mac OS, Windows	Superstition	11 de maio de 2012	Novo deseño da interface de usuario (novas iconas e opción de interface de fondo escuro) Gardado automático en segundo plano Contido de parches e ferramentas Move Galería de Blur Rango de cor: ton de pel e detección de facianas Adobe Camera RAW 7 Ferramenta de recorte mellorada Novo panel de propiedades, tódalas propiedades integradas Soporte de vídeo mellorado Filtro de "pintura ao óleo", agora distribúese co programa Filtro de gran angular adaptativo Estilos de carácter e de parágrafo. Mellor soporte a caracteres árabes Actualización da interface de usuario para impresión Axuste 3DLUT Trazos en obxectos vectoriais, con posibilidade de elección do tipo de trazo, como guións e puntos Revisadas ferramentas vectoriais Ajuste a pixels de ferramentas vectoriais e transformacións Interface de usuario 3D completamente renovada, máis fácil de usar agora

Alternativas

Existen moitos outros editores de imaxes bitmap dispoñibles, mais ningún deles conseguiu a popularidade do Adobe Photoshop entre os profesionais. Os concorrentes máis utilizados noutras bandas de mercado son o GIMP open-source, xa con moitos usuarios; e os paquetes de programas comerciais Macromedia Fireworks, Corel Photo-Paint, e Paint Shop Pro. Entre outras alternativas menos coñecidas, pódese destacar o GIMPshop (unha versión do GIMP cunha interface gráfica semellante ao Photoshop), o Paint.NET open-source, o Pixel32 dispoñible en máis plataformas do que os outros programas comerciais, o PhotoFiltre, excelente alternativa gratuíta para uso non-comercial, e o PhotoScape que está logrando unha ampla difusión pola súa facilidade de uso.

Notas

↑ LUCENA, Alberto; História da Animación; Ed. Senac; 2002

Véxase tamén

Outros artigos

Ligazóns externas

Páxina oficial do Adobe Photoshop (en inglés)

[Manipulator_of_Movement-1] LUCENA, Alberto; História da Animación; Ed. Senac; 2002

[1]