Adam Lonitzer

Adam Lonitzer
Biografía
Nacemento	10 de outubro de 1528; Marburg
Morte	29 de maio de 1586; Frankfurt
Educación	Universidade de Maguncia
Actividade
Lugar de traballo	Frankfurt ; Marburgo
Ocupación	Botánico prelinneano, profesor, matemático
Empregador	Universidade Philipps de Marburgo
Obra
Abreviación dun autor en botánica	Lonitzer
Familia
Cónxuxe	Magdalena Egenolff
Fillos	Johann Adam Lonicerus
Pai	Johannes Lonicerus
Descrito pola fonte	Allgemeine Deutsche Biographie; Obálky knih, ; Medvik >>>:Lonitzer, Adam, 1528-1586,

Adam Lonicer, Adam Lonitzer ou Adamus Lonicerus, nado en Marburg o 10 de outubro de 1528 e finado en Frankfurt o 29 de maio de 1586, foi un botánico alemán, notable pola súa revisada versión de 1557 do herbario do famoso Eucharius Rösslin (1470 – 1526).

Traxectoria

Fillo dun teólogo e filólogo,^[1] estudou en Marburg e na Universidade de Maguncia, sendo alumno de Conrad Gessner, obtendo a súa mestría aos dezaseis anos. Foi nomeado profesor de Matemática na Universidade de Marburg en 1553, doutorándose en Medicina en 1554, converténdose no médico de Frankfurt. Porén, a súa verdadeira paixón foron as herbas e o estudo da botánica. A súa primeira importante obra foi sobre herbas, Kräuterbuch, publicada en 1557, cunha gran parte desta ocupándose da destilación. Lonicer recoñeceu as súas fontes para o libro, acreditando a Jean Ruelle (1474-1537), Valerius Cordus, Pietro Andrea Mattioli, Hieronymus Braunschweig e Conrad Gessner.

Lonicer casou con Magdalena Egenolff, filla do seu editor de Frankfurt, Christian Egenolff; e cando este faleceu en 1555, Lonitzer foi director da firma, publicando logo non menos de catro edicións de Kräuterbuch entre 1557 e 1577.

O xénero Lonicera da familia Caprifoliaceae chámase así na súa honra.^[2]

A abreviatura Lonitzer emprégase para indicar Adam Lonitzer como autoridade na descrición e clasificación científica dos vexetais.^[3]