Abel López Soto

Na Galipedia, a Wikipedia en galego.
Saltar ata a navegación Saltar á procura
Abel López Soto

Escudo de Sada (A Coruña).svg
Alcalde de Sada
16 de xuño de 2007 – 11 de xuño de 2011
Precedido por Ramón Rodríguez Ares
Sucedido por Ernesto Anido

14 de xuño de 2003 – 20 de xaneiro de 2004
Precedido por Ramón Rodríguez Ares
Sucedido por Ramón Rodríguez Ares

Datos persoais
Partido BNG
Twitter @abellopezsoto
Facebook abel.lopezsoto

Abel López Soto é un docente[1] e político galego retirado, foi en dúas etapas distintas alcalde de Sada e líder do Bloque Nacionalista Galego no concello durante case vinte anos.

Traxectoria[editar | editar a fonte]

Após as eleccións municipais de 2003 accedeu á alcaldía de Sada logo de máis de vinte anos ininterrompidos de gobernos de Ramón Rodríguez Ares. Foi grazas ao apoio que o Partido dos Socialistas de Galicia-PSOE e un partido independente local lle ofreceran para a súa investidura.[2]

Porén en menos dun ano, o edil tránsfuga do PSOE José Luis Santamaría apoiou a Rodríguez Ares nunha moción de censura que lle devolvería a alcaldía a este último para o que quedaba de mandato. Este feito provocou as protestas na rúa de milleiros de veciños[3] e a expulsión de Rodríguez Ares do Partido Popular.[2]

Logo das eleccións municipais de 2007, López Soto conseguiu que o BNG fora a lista máis votada no concello e, unha vez máis co apoio do PSdeG-PSOE dado que non fora quen de acadar a maioría absoluta, regresou á alcaldía. Durante esta etapa foi un dos protagonistas no proceso que supuxo a apertura do Pazo de Meirás ao público ante o rexeitamento dos herdeiros de Francisco Franco[4][5].

Tralas eleccións municipais de 2011 volveu conseguir que o seu partido repetira como lista máis votada[6]. Mais desta volta, os resultados acadados non foron abondo para que un pacto entre o novo Partido Demócrata Sada Popular de Rodríguez Ares e máis o PP outorgara a alcaldía ao líder deste último partido, Ernesto Anido.

Pasaría novamente tres anos máis na oposición até que en setembro de 2014 fixo pública a súa renuncia a anovar como candidato do BNG para as eleccións municipais de 2015[6].


Predecesor:
Ramón Rodríguez Ares
 Escudo de Sada (A Coruña).svg
Alcalde de Sada
 
2003 - 2004
Sucesor:
Ramón Rodríguez Ares
Predecesor:
Ramón Rodríguez Ares
 Escudo de Sada (A Coruña).svg
Alcalde de Sada
 
2007 - 2011
Sucesor:
Ernesto Anido

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]