Ramón Rodríguez Ares

Engadir ligazóns
Na Galipedia, a Wikipedia en galego.
Ramón Rodríguez Ares
20 de xaneiro de 2004 – 16 de xuño de 2007
Precedido por Abel López Soto
Sucedido por Abel López Soto
15 de maio de 1979 – 14 de xuño de 2003
Precedido por Nicolás Blanco Blanco
Sucedido por Abel López Soto
12 de marzo de 2000 – 20 de xaneiro de 2004
11 de xuño de 2011 – 15 de xuño de 2019
15 de maio de 1979 – 16 de xuño de 2007
Datos persoais
Nacemento 21 de febreiro de 1940 (84 anos) Sada Galicia Galicia
Partido Alianza Popular (1979-1989)
Partido Popular (1989-2004)
Partido Demócrata Sada Popular (2004-actualidade)
Alcume Moncho
Profesión boticario
Residencia Sada

Ramón Rodríguez Ares, nado en Sada o 21 de febreiro de 1940, é un político galego.

Traxectoria[editar | editar a fonte]

Empresario casado e con catro fillos, e empregado de farmacia antes de entrar en política. Foi xuíz de paz de Sada no período 1975-1979, alcalde de Sada por diversas formacións dende o 1979 ata o 2007 (agás uns meses a finais de 2003), deputado na Deputación da Coruña entre 1987 e 1995 e senador pola provincia da Coruña dende o ano 2000 ata o 2004. Militou en Alianza Popular, logo na súa continuación chamada Partido Popular (PP) e finalmente nunha escisión denominada Partido Demócrata Sada Popular (PDSP).

Nas eleccións municipais do 2003 o PP obtivo 8 concelleiros, o Bloque Nacionalista Galego (BNG) 5, o Partido dos Socialistas de Galicia -PSOE (PSdG-PSOE) 2, Agrupación Sada Unida (ASU) 1 e a URG 1. Formouse un goberno de coalición, onde o cabeza de lista do BNG, Abel López Soto, foi nomeado alcalde. Sete meses despois, en xaneiro do 2004, o PP presentou unha moción de censura apoiada polo PP e o tránsfuga socialista (e ata entón cabeza de lista de PSdeG-PSOE) Jose Luis Santamaría. Ramón Rodríguez foi expulsado do PP e creou o seu propio partido PDSP, co que gobernou ata as eleccións de 2007.

Nestes comicios o partido de Ramón Rodríguez Ares obtivo 6 concelleiros e resultou a segunda forza máis votada: venceu os comicios o BNG, que mediante un pacto cos socialistas, chegou á alcaldía, gobernando en minoría. Rodríguez Ares, ao non acceder á alcaldía, renunciou ao seu escano.

No 2011 volveu concorrer ás eleccións municipais e obtivo 5 concelleiros, o PP formou un goberno de coalición co PDSP, recuperando o goberno de Sada, sendo Ramón Rodríguez Ares 1º tenente de alcalde.

Na súa traxectoria política foi coñecido polos seus eslogans independentes da dinámica do partido (Moncho es mucho ou Moncho y Sada, que pasada![1], por exemplo) ou por manter un retrato de Franco no seu despacho.

Incidentes, polémicas e irregularidades urbanísticas[editar | editar a fonte]

  • 1999: o Tribunal Supremo de España ditaminou sentenza de derribo parcial por exceso de altura e ocupación para o local de hostalería coñecido como o Náutico, construído sobre terreos gañados ao mar. En 2006 fíxose efectivo o peche da cafetaría mais en 2013 dita sentenza aínda non se tiña executado.[2]
  • 2001: Rodríguez Ares tentou, sen éxito, promover a construción dun novo porto deportivo e urbanización privados nun proxecto que se habería coñecer como Puerto Infanta. O Ministerio de Medio Ambiente de España -daquela en mans do mesmo partido político- sostivo que este proxecto, que supoñía a desaparición dunha praia e afectaba ao castelo de Fontán, non se axustaba á Lei de Costas[3]; tamén a Xunta de Galicia (igualmente gobernada polo PP) amosara as súas reticencias.[4]
  • Abril de 2002: a concelleira do PP de Sada, Elena Ramallo, foi expulsada do partido logo de denunciar a Rodríguez Ares ante o Tribunal Supremo por presuntos delitos de ameazas[5], prevaricación e malversación de fondos públicos[6]. Ramallo habería liderar para as eleccións de 2003 unha nova candidatura independente, ASU, coa que conseguiu os votos precisos para apoiar con éxito a investidura de Abel López Soto, candidato do BNG.
  • Febreiro de 2004: tras recuperar o bastón de mando grazas ao apoio do tránsfuga do PSdeG-PSOE, unha das súas primeiras decisións foi a de duplicar o seu soldo como alcalde.[7]
  • Maio de 2009: o Xulgado do Contencioso Administrativo número 1 da Coruña anulou a licenza de obra concedida polo goberno de Rodríguez Ares en 2005 para a urbanización O Loureiro, no lugar de Pazos, por "non axustarse a dereito".[8]
  • Novembro de 2010: unha sentenza do Tribunal Superior de Xustiza de Galicia (TSXG) anulou a licenza de obra de 15 chalés no Camiño do Fiunchedo concedida pola administración de Rodríguez Ares no ano 2000.[9]
  • 2012: a Xunta de Galicia ratificou ante o xuíz da Audiencia Provincial da Coruña que Rodríguez Ares, sendo rexedor, ordenara a talla de máis de 300 árbores protexidas nas Brañas de Sada en 2005[10]. Por outra banda, o Concello víase na obriga de presupostar partidas para derrubamentos parciais pendentes como os do Náutico ou o que pesaba sobre un bloque de vivendas construído na avenida da Mariña grazas a licenzas outorgadas baixo os mandatos de Rodríguez Ares[11].
  • Agosto de 2012: Rodríguez Ares negábase a dimitir como concelleiro e tenente de alcalde pese á condena por desobediencia ditada polo Xulgado do Penal número 2 da Coruña, que lle impoñía 6 meses de inhabilitación para exercer cargo público dado que non fixera efectiva as sucesivas ordes de derribo que pesaban sobre o Náutico. O veterano concelleiro acababa de ser multado con 3.120 euros pola talla masiva de árbores nas Brañas.[12]
  • Xaneiro de 2014: Rodríguez Ares facía públicas as súas desculpas por ter apoiado a investidura de Ernesto Anido como alcalde[13].
  • Novembro de 2015: Rodríguez Ares resultou ferido na súa vivenda logo dunha explosión mentres elaboraba tabaco.[14]
  • Maio de 2016: o Concello de Sada fixo efectiva unha orde de derribo ordenada polo TSXG que pesaba sobre unha estrutura ergueita en terreos gañados ao mar, destinada a acubillar uns multicines. O TSXG tamén ordenara o derrubamento da superficie comercial anexa explotada por Carrefour, igualmente construída sobre recheos na Ría de Betanzos grazas ás licenzas concedidas polos gobernos de Rodríguez Ares cando aínda era militante do PP.[15]
  • Xuño de 2016: o Xulgado Contencioso-Administrativo da Coruña reclamou ao Concello Sada o depósito de 4 millóns de euros por unha sentenza de execución de derribo, como responsábel dunha licenza urbanística concedida baixo mandato de Rodríguez Ares en 2005.[16]

Galardóns[editar | editar a fonte]

Posúe a Cruz ó Mérito Naval de primeira clase e a Encomenda Diego de Osorio de Venezuela.


Predecesor:
Nicolás Blanco Blanco 		 
Alcalde de Sada 
1979 - 2003 		Sucesor:
Abel López Soto
Predecesor:
Abel López Soto 		 
Alcalde de Sada 
2004 - 2007 		Sucesor:
Abel López Soto

Notas[editar | editar a fonte]

  1. ↑ "Rodríguez Ares, el único que se presenta por décima vez". La Voz de Galicia (en castelán). 2015-05-03. Consultado o 2016-08-28. 
  2. ↑ Pérez, Antares. "El Concello de Sada rescata la concesión de El Náutico para su derribo parcial". La Opinión de A Coruña. Consultado o 2016-08-29. 
  3. ↑ Hemeroteca, Redacción. "Medio Ambiente sostiene que Puerto Infanta no se ajusta a la Ley de Costas". www.lavozdegalicia.es. Arquivado dende o orixinal o 16 de setembro de 2016. Consultado o 2016-08-29. 
  4. ↑ Rodríguez, Pacho. "La Xunta exige subsanar deficiencias para aprobar el plan de Puerto Infanta". www.lavozdegalicia.es. Arquivado dende o orixinal o 16 de setembro de 2016. Consultado o 2016-08-29. 
  5. ↑ Hermida, Xosé (2001-12-12). "Una edil del PP denuncia a un senador de su partido por amenazas y corrupción". El País (en castelán). Consultado o 2016-08-29. 
  6. ↑ Hermida, Xosé (2002-04-17). "El PP expulsa a una edil que denunció corruptelas de un alcalde gallego". El País (en castelán). Consultado o 2016-08-29. 
  7. ↑ Hermida, Xosé (2004-02-03). "El alcalde de Sada se duplica el sueldo en el primer pleno de su nuevo mandato". El País (en castelán). Consultado o 2016-08-29. 
  8. ↑ Sada, Redacción. "El juez anula la licencia de una urbanización de diez chalés en Sada - La Opinión A Coruña". www.laopinioncoruna.es. Consultado o 2016-08-29. 
  9. ↑ Abelairas, Bea. "Dos urbanizaciones que suman 25 casas, pendientes de derribo". www.lavozdegalicia.es. Consultado o 2016-08-29. 
  10. ↑ Obelleiro, Paola (2012-03-14). "La Xunta ratifica que el exalcalde de Sada taló árboles protegidos". El País (en castelán). Consultado o 2016-08-29. 
  11. ↑ Pérez, Antares. "Sada mantiene las partidas para el derribo parcial del bloque de A Mariña y El Náutico - La Opinión A Coruña". www.laopinioncoruna.es. Consultado o 2016-08-29. 
  12. ↑ Obelleiro, Paula (2012-08-02). "El socio del PP en el Ayuntamiento de Sada se niega a dimitir tras ser condenado". El País (en castelán). Consultado o 2016-08-29. 
  13. ↑ Romero, Daniel. "Rodríguez Ares pide disculpas por haber otorgado a Anido la Alcaldía en 2011". El Ideal gallego. Consultado o 2016-08-29. 
  14. ↑ Villar, Marta. "Rodríguez Ares resulta herido en una explosión de gas mientras elaboraba tabaco". La Opinión de A Coruña. Consultado o 2016-08-29. 
  15. ↑ "Desmontan tras una década las estructuras del centro comercial que se declaró ilegal en el puerto de Sada". La Voz de Galicia (en castelán). 2016-05-06. Consultado o 2016-08-29. 
  16. ↑ "Reclaman a Sada que deposite 4 millones en el juzgado por una sentencia de derribo". La Voz de Galicia (en castelán). 2016-06-29. Consultado o 2016-08-29. 

Véxase tamén[editar | editar a fonte]

Outros artigos[editar | editar a fonte]

Traído desde «https://gl.wikipedia.org/w/index.php?title=Ramón_Rodríguez_Ares&oldid=6464320»