Abdelkader Bensalah

Na Galipedia, a Wikipedia en galego.
Saltar ata a navegación Saltar á procura
Abdelkader Bensalah
Abdelkader Bensalah 18th Summit of Non-Aligned Movement in Baku (cropped).jpg
Nacemento24 de novembro de 1941
Lugar de nacementoFellaoucene
Falecemento22 de setembro de 2021
Lugar de falecementoAïn Naadja Military Hospital
SoterradoEl Alia Cemetery
NacionalidadeAlxeria
RelixiónIslam
Alma máterUniversidade de Damasco
Ocupaciónpolítico e xornalista
PremiosNational Order of Merit e National Liberation Army Medal (Algeria)
editar datos en Wikidata ]

Abdelkader Bensalah (en árabe: عبد القـادر بن صالح), nado en Fellaoucene (Alxeria francesa) o 24 de novembro de 1941 e finado en Alxer o 22 de setembro de 2021, foi un xornalista e político alxeriano. Membro da Agrupación Nacional para a Democracia (RND), preside dende 2002 o Consello da Nación, a cámara alta do Parlamento alxeriano. Dende o 2 de abril e o 19 de decembro de 2019 exerceu como presidente interino de Alxeria, en substitución de Abdelaziz Bouteflika.

Traxectoria[editar | editar a fonte]

Orixe e xuventude[editar | editar a fonte]

Abdelkader Bensalah naceu o 24 de novembro de 1941 en Fellaoucene, preto de Tlemcen.[1][2]

Ingresou no Exército de Liberación Nacional (ALN) aos 18 anos.[3]

Carreira profesional[editar | editar a fonte]

Xornalista de profesión,[4] foi diretor do Centro alxeriano de información e cultura en Beirut, entre 1970 e 1974, e despois director xeral do diario en lingua árabe Ech Chaab entre 1974 e 1977.

Traxectoria política[editar | editar a fonte]

En 1977, foi elixido deputado da FLN da vilaia de Tlemcen.[5] Posteriormente, seguiu unha carreira diplomática, sendo dende 1989 a 1993 embaixador de Alxeria no Reino de Arabia Saudita e na Organización da Conferencia Islámica. Foi director de información e voceiro do Ministerio de Asuntos Exteriores dende 1993 ata 1994.

Foi membro do Agrupación Nacional pola Democracia(RND), da que foi secretario xeral dende a súa fundación, en 1997 a 1998 e de 2013 a 2015.

Entre 1994 e 1997, presidiu o Consello Nacional de Transición , que era entón a única cámara parlamentaria do país. Ata 2002 foi presidente da Asemblea Nacional do Pobo, a cámara baixa do Parlamento alxeriano.

Dende xullo de 2002, ocupou o cargo de Presidente do Consello da Nación, a cámara alta do Parlamento.[6][7] O 30 de novembro de 2004, foi elixido presidente da Unión Parlamentaria Africana.[8]

Moi achegado ao presidente Abdelaziz Bouteflika, realizou nos anos 2010 algunhas tarefas que este, enfermo, xa non podía realizar, como a recepción de líderes estranxeiros.[9] Apoiou a candidatura de Bouteflika a un quinto mandato nas eleccións presidenciais de 2019.[10] Despois da dimisión deste último, o 2 de abril de 2019, como consecuencia de grandes manifestacións contra a súa permanencia no poder, Abdelkader Bensalah asumiu a presidencia interina do país para un período de 90 días como indica a Constitución de Alxeria.[9] Como presidente interino, tiña poderes reducidos e non se podía presentar ás eleccións presidenciais anticipadas.[11]

Notas[editar | editar a fonte]

  1. "L'Algérie se prépare à l'après-Bouteflika". Lefigaro.fr. Consultado o 4 de novembro de 2013. 
  2. "Le Bonjour du « Soir »". Le Soir d'Algérie. Consultado o 28 de febreiro de 2014. 
  3. "Algérie: Abdelkader Bensalah, pur produit du régime algérien". TV5MONDE. Arquivado dende o orixinal o 02 de abril de 2019. Consultado o 2 de abril de 2019. 
  4. "Algérie: Abdelkader Bensalah, parcours d'un cacique du régime - RFI". RFI Afrique. Consultado o 30 de marzo de 2019. 
  5. "Revue du droit public et de la science politique en France et à l'étranger". Google Books. Consultado o 2 de abril de 2019. 
  6. Alxeria: Bensalah foi nomeado para o Senado , Le Figaro , o 9 de xaneiro de 2013
  7. Bensalah foi nomeado en xefe do Consello da Nación , El Watan , o 30 de xaneiro de 2019.
  8. ElWatan, ed. (30 de novembro de 2004). "Bouteflika à l’union parlementaire africaine". Consultado o 5 de abril de 2019. 
  9. 9,0 9,1 "Bouteflika loyalist Abdelkader Bensalah, Algeria’s next in line". France 24. Consultado o 3 de abril de 2019. 
  10. "Algérie : qui est Abdelkader Bensalah, l’homme qui devrait assurer l'intérim après la démission d'Abdelaziz Bouteflika ?". LCI. Arquivado dende o orixinal o 02 de abril de 2019. Consultado o 3 de abril de 2019. 
  11. "Algérie : le Conseil constitutionnel entérine la démission d'Abdelaziz Bouteflika". Europe 1. Consultado o 3 de abril de 2019. 

Véxase tamén[editar | editar a fonte]

Ligazóns externas[editar | editar a fonte]