A ira dos mansos
| A ira dos mansos | |
|---|---|
| Autor/a | Manuel Esteban |
| Cuberta | Fran Herbello Hermelo |
| Orixe | Galiza |
| Lingua | galego |
| Xénero(s) | Novela, novela negra. |
| Editorial | Xerais |
| Data de pub. | Outubro de 2016 |
| Formato | rústica cosida a fío |
| Páxinas | 192 |
| ISBN | ISBN 978-84-9121-101-3 |
| [ editar datos en Wikidata ] | |
A ira dos mansos é unha novela negra en galego escrita por Manuel Esteban, gañador do Premio Xerais 2016, e publicada en 2016 por Edicións Xerais de Galicia. Trátase da primeira novela escrita polo autor.
Argumento[editar | editar a fonte]
A trama desenvólvese en Vigo. O inspector Carlos Manso atopa o cadáver dunha moza con síndrome de Down. A través das pescudas para resolver o crime o protagonista entra en contacto co mundo da discapacidade intelectual e, nese contacto, vai derrubando moitos prexuízos sobre ese mundo. Na primeira parte da novela debe atopar ao asasino de Violeta. Na segunda parte outro rapaz con síndrome de Down, Pedro Bugallo, é sospeitoso dun crime e Lorena Sella, directora da asociación local para a síndrome de Down solicita a axuda do inspector Manso para exculpalo.
Narración[editar | editar a fonte]
É unha novela negra cun fondo social importante e coa discapacidade intelectual como tema principal. O estilo é directo e intenso, sen adobíos, empregando o humor como elemento complementario.
O tempo histórico abrangue desde finais do ano 2011 ata principios do 2013
A novela está estruturada en 40 capítulos, repartidos en dúas partes. Como prefacio inclúe citas de William Shakespeare e Eduardo Galeano.
Personaxes[editar | editar a fonte]
- Carlos Manso, inspector de policía
- Lorena Sella, directora da asociación local para a Síndrome de Down
- Violeta Falcón, moza con síndrome de Down que aparece asasinada ao comezo da novela
- Xaime Gándara, narcotraficante de orixe portuguesa, avó materno de Violeta
- Pedro Bugallo, rapaz con síndrome de Down
- Leonardo Santos, axente de policía
- Sandra Ferro, axente de policía
- "Touro" Sober, inspector de policía
- Ratko Paunovic, mercenario montenegrino
Véxase tamén[editar | editar a fonte]
Ligazóns externas[editar | editar a fonte]
- Ficha na web da editorial.
- Manuel Esteban: A ira dos mansos, recensión de Manrique Fernández no blog Comarcas na rede, 4 de novembro de 2016.
- "Un acertadísimo premio" Arquivado 16 de agosto de 2018 en Wayback Machine., recensión de Montse Pena Presas no Faro de Vigo, 1 de decembro de 2016.
- A ira dos mansos, recensión no blog Trafegando ronseis, 20 de outubro de 2016.
- A ira dos mansos, de Manuel Esteban, recensión de Ramón Nicolás en Caderno da crítica, 22 de outubro de 2016.
- "A emoción e a moral kantiana", recensión de Inma Otero Varela en Grial nº 213, 2017.
- Esteban, A ira dos mansos, recensión de David González en Palabra de Gatsby, 18 de abril de 2017.
- «‘A ira dos mansos’, unha “maldita” novela dun “puto” policía» Arquivado 16 de agosto de 2018 en Wayback Machine., recensión de César Lorenzo Gil en Biosbardia, 8 de febreiro de 2017.