3rd Secret
| 3rd Secret | |
|---|---|
| Orixe | Seattle, Washington,  |
| Período | 2022 - presente |
| Xénero(s) | rock alternativo, folk rock, grunge |
| Membros | Matt Cameron Jon "Bubba" Dupree Jennifer Johnson Krist Novoselic Jillian Raye Kim Thayil |
| Na rede | |
| 3rdsecret.com | |
  | |
3rd Secret é un supergrupo estadounidense de rock alternativo formado no ano 2022. A banda conta con membros dos grupos de grunge Soundgarden, Nirvana e Pearl Jam.[1]
A banda está formada polo guitarrista e acordeonista Krist Novoselic de Nirvana, o batería Matt Cameron de Pearl Jam e Soundgarden, os guitarristas Kim Thayil de Soundgarden e Jon "Bubba" Dupree de Void, e as vocalistas Jillian Raye e Jennifer Johnson. Novoselic, Johnson, e Raye tocaron xuntos na banda Giants in the Trees, mentres que Cameron e Dupree tocaron en Hater.[2]
Historia[editar | editar a fonte]
O 11 de abril de 2022 a banda publicou o seu álbum de estrea autotitulado e o sinxelo "I Choose Me", a primeira música na que os compañeiros de Soundgarden Kim Thayil e Matt Cameron traballaran xuntos dende a morte de Chris Cornell en 2017.[1] O álbum foi gravado polo colaborador habitual de Nirvana e Soundgarden Jack Endino.[2] A creación do disco mantívose en segredo e o traballo foi lanzado como unha sorpresa, aínda que antes do lanzamento a banda realizou un concerto no Museum of Pop Culture en Seattle, e en febreiro de 2022 Novoselic chiou que estaba traballando nalgo novo.[3]
Respecto ao proceso de gravación do disco e á cantidade de cancións que decidiron gravar, a banda escribiu na súa web, "Naquel momento, houbo unha idea de tres álbums separados de individuos para incluír varias contribucións dos músicos anteriores. Todo parecía posible e as actitudes eran positivas. A finais de 2021, sentindo que pasara demasiado tempo, ou simplemente sentíndose impacientes, Krist e Jillian propuxeron 3rd Secret, combinando material gravado en Seattle e na granxa. E así chegamos a este disco con Jillian e Krist na portada".[4]
O 22 de xuño de 2023 a banda publicou o seu segundo álbum de estudio, titulado The 2nd 3rd Secret.[5]
Discografía[editar | editar a fonte]
Álbums[editar | editar a fonte]
| Álbum | Ano | Selo |
|---|---|---|
| 3rd Secret | 2022 | autoeditado |
| The 2nd 3rd Secret | 2023 | autoeditado |
Notas[editar | editar a fonte]
- ↑ 1,0 1,1 "Nirvana’s Krist Novoselic, Soundgarden’s Matt Cameron and Kim Thayil Form 3rd Secret and Release New Album". Pitchfork (en inglés). 2022-04-12. Consultado o 2022-08-01.
- ↑ 2,0 2,1 Robinson, Ellie (2022-04-12). "Members of Nirvana, Pearl Jam and Soundgarden form new band 3rd Secret, drop surprise album". NME (en inglés). Consultado o 2022-08-01.
- ↑ Dailey, Hannah (2022-04-12). "Grunge Supergroup Surprise! Members of Nirvana, Pearl Jam, Soundgarden Drop Secret Album". Billboard (en inglés). Consultado o 2023-11-03.
- ↑ "3rd Secret". 3rdsecret.com. Consultado o 2023-11-03.
- ↑ "2nd 3rd Secret". 2023-06-22. Consultado o 2023-11-03.
