10,000 BC

10 000 A.C
Logo do filme
Ficha técnica
Título orixinal	10,000 BC
Director	Roland Emmerich
Produtor	Roland Emmerich Mark Gordon Michael Wimer
Guión	Roland Emmerich Harald Kloser
Intérpretes	Steven Strait Camilla Belle Cliff Curtis Joel Virgel Affif Ben Badra Mo Zinal Nathanael Baring Mona Hammond Marco Khan Reece Ritchie Omar Sharif
Música	Harald Kloser Thomas Wander
Fotografía	Ueli Steiger
Montaxe	Alexander Berner
Estudio	Legendary Pictures Centropolis Entertainment
Distribuidora	Warner Bros. Pictures
Estrea	7 de marzo de 2008 1 de xaneiro de 2013 (TVG)
Duración	109 minutos
Orixe	Estados Unidos
Xénero	Aventura, Fantástica
Orzamento	$105 000 000
Recadación	$269 784 201
Na rede
http://www.10000bcmovie.com/

10,000 BC é unha longametraxe estadounidense dirixida por Roland Emmerich que foi estreada en 2008. Estreouse en galego na TVG o 1 de xaneiro de 2013.

Sinopse

Era un tempo no que o home e a besta eran indomábeis e o poderoso mamut camiñaba pola terra. Un tempo no que as ideas e as crenzas naceron e déronlle forma á humanidade. 10 000 a. C. Un xove cazador D'Leh (Steven Strait) comeza a busca da súa namorada á fronte dun exército atravesando o gran deserto. Terá que facer fronte ó mamut, e tamén ao smilodon (tigres de dentes de sabre) e outros depredadores prehistóricos, ó tempo que descobre unha avanzada civilización, os refuxiados da Atlántida que desembarcaron no que máis tarde se coñecería como o Antigo Exipto.

Personaxes

• Steven Strait como D'Leh.
• Camilla Belle como Evolet.
• Cliff Curtis como Tic'Tic.
• Joel Virgel como Nakudu.
• Affif Ben Badra como Señor da Guerra.
• Mo Zinal como Ka'Ren.
• Nathanael Baring como Baku
• Mona Hammond como Anciá.
• Marco Khan como Un-ollo.
• Reece Ritchie como Moha.
• Joel Fry como Lu'Kibu.
• Omar Sharif como Narrador (Voz).
• Kristian Beazley como Pai de D'Leh.
• Junior Oliphant como Tudu.
• Louise Tu'u como Nai de Baku.

Erros cronolóxicos

O filme, á parte duns excelentes efectos visuais, ten algúns erros como por exemplo que nela móstrase como o home cultiva a terra, pero os primeiros cultivos datan do ano 8000 a. C. Tamén aparecen homes montando a cabalo, cando o home domestica cabalos aproximadamente dende o ano 2000 a. C. E finalmente os homes xa descubriran o ferro no filme, cando en realidade o home aprendeu a dominar o ferro cara ao ano 1500 a. C.

Aínda que se presenta como un filme sobre a prehistoria, contempla teorías non oficiais sobre este período, por exemplo, a teoría de que existiu unha cultura civilizada hai 10000 anos, algo semellante ó mito da Atlántida, retoma teorías de exiptólogos que din que se cadra a Esfinxe é anterior ó Antigo Exipto e que ó mellor os exipcios eran herdeiros dalgunha outra gran civilización.