Saltar ao contido

...And You Will Know Us by the Trail of Dead

Na Galipedia, a Wikipedia en galego.
...And You Will Know Us by the Trail of Dead
Imaxe
 Instancia de
grupo musical Editar o valor en Wikidata
Características
 Xénero artístico
art rock Editar o valor en Wikidata
 Discografía
...And You Will Know Us by the Trail of Dead discography (en) Traducir Editar o valor en Wikidata
Datas
 Fundación / creación
1994 Editar o valor en Wikidata
 Inicio de actividade
1993 Editar o valor en Wikidata
Localización
 Lugar de formación
Austin Editar o valor en Wikidata
Códigos e identificadores
VIAF147994590 Editar o valor en Wikidata
ISNI0000000122958760 Editar o valor en Wikidata
Freebase/m/026y_k Editar o valor en Wikidata
Fontes e ligazóns
 Páxina WEB
trailofdeadband.com Editar o valor en Wikidata
IMDB: nm2155368 Facebook: andyouwillknowusbythetrailofdead Twitter: TrailOfDead MySpace: trailofdead Spotify: 6wBUn8gMP85n8dPu6LoUcF Last fm: ...And+You+Will+Know+Us+by+the+Trail+of+Dead Musicbrainz: 9c1ff574-2ae4-4fea-881f-83293d0d5881 Songkick: 4301 Discogs: 80393 Allmusic: mn0000019392 Editar o valor en Wikidata
Wikidata C:Commons

...And You Will Know Us by the Trail of Dead (ás veces abreviado como Trail of Dead) é unha banda estadounidense de rock alternativo procedente de Austin, Texas formada en 1994.[1] Os seus membros principais son Jason Reece e Conrad Keely. Os dous cambian entre a batería, as voces e as guitarras tanto nas gravacións como nos concertos. O grupo é coñecido polos seus vivos salvaxes e enérxicos, esnaquizando acotío os seus instrumentos ao final destes.

O seu último álbum de estudio, XI: Bleed Here Now, foi lanzado o 15 de xullo de 2022. En febreiro de 2023, a banda publicou en Instagram unha imaxe que dicía "Trail closed" (Ruta pechada), o que xerou rumores de que a banda se separara. Aínda que a banda aínda existe, Conrad Keely aclarou máis tarde que non tiñan plans inmediatos nin de xirar nin de facer máis música no sentido tradicional, citando unha desastrosa xira final, o esgotamento e o estado inhóspito da industria musical cara ás bandas máis pequenas como os principais impulsores da súa decisión.[2]

Historia

[editar | editar a fonte]

Formación

[editar | editar a fonte]

Keely e Reece levaban sendo amigos dende a súa mocidade, que pasaron en Hawai. Cada un deles formou as súas primeiras bandas en Olympia, Washington, onde Keely estudaba no The Evergreen State College. Keely, un compositor e baixista chamado James Olsen e o guitarrista Paul Westmoreland crearon un grupo a principios dos anos 90. A banda tivo varias formas e nomes antes de decidirse en 1993 por "Benedict Gehlen" (por un monxe que descansa na abadía de St. Martin en Olympia). Pouco despois Keely comezou a tocar nun grupo chamado Nancyville, mentres que Reece tocou a batería en Honeybucket e despois na banda de queercore Mukilteo Fairies (un xogo de palabras que facía referencia ao ferri entre Mukilteo e Clinton, Washington). Finalmente, Keely e Reece mudáronse a Austin, Texas.

Os dous comezaron a tocar como un dúo baixo o nome de "You Will Know Us by the Trail of Dead". A banda ampliouse finalmente para incluír ao guitarrista Kevin Allen e ao baixista Neil Busch. Despois alongaron oficialmente o seu nome a ...And You Will Know Us by the Trail of Dead. A moza de Olympia de Conrad, Deanne Rowley (despois Deanne McAdams), tocou brevemente con eles como guitarrista de apoio ao vivo.[3]

Segundo a páxina web da banda, o nome foi collido dun antigo canto ritual maia, que amosa unha sorprendente semellanza cun antogo canto exipcio.[4] Aínda que a banda tamén declararou, porén, que era sinxelamente unha broma.[5]

Ascenso e éxito

[editar | editar a fonte]
Conrad Keely coa banda en 2013

No ano 1995 publicaron o seu primeiro lanzamento, unha canción titulada "Novena Without Faith" nun recompilatorio en casete chamado Austin Live Houses, seguido por outro casete autotitulado de catro temas editado a través de Golden Hour. En xaneiro de 1998 publicaron o álbum ...And You Will Know Us by the Trail of Dead a través do selo Trance Syndicate.

Trail of Dead fichou pouco despois coa discográfica Merge Records despois de que Trance Syndicate desaparecese. A banda publicou Madonna a través de Merge a finais de 1999, e xirou polos Estados Unidos abrindo para os seus compañeiros de selo Superchunk para promover o disco. Despois asinaron un contrato con Interscope Records e lanzaron o EP Relative Ways en 2001.

A comezos de 2002 o grupo lanzou Source Tags & Codes, que foi recibido cunha aclamación xeneralizada, incluíndo unha puntuación 10/10 por parte de Pitchfork Media,[6] que dixo que era "un dos álbums verdadeiramente épicos do indie rock".[7] A súa seguinte xira foi relatada por Rolling Stone, dicindo o xornalista Andrew Dansby da dinámica do grupo que era como un "Voltron post-punk, que podería ser a unidade máis excitante en funcionamente a día de hoxe".[8]

O EP continuación de Source Tags & Codes foi editado no mes de abril de 2003 co tiítulo The Secret of Elena's Tomb. O EP contén o tema electrónico "Intelligence" e conta e foi co-escrito por Tyler Jacobson de A Roman Scandal, a outra banda de Reece.

En xullo de 2004 anunciouse que Neil Busch fora botado da banda e que Danny Wood tomaría o seu posto ao baixo. O segundo batería/percusionista Doni Schroader tamén entrou no grupo nesa época. Trail of Dead publicou o álbum Worlds Apart o 25 de xaneiro de 2005.[9] Filmáronse vídeos musicais para os sinxelos "And the Rest Will Follow" e "Caterwaul". A banda tamén incorporou ao teclista David Longoria para as súas presentacións ao vivo. Como sexteto o grupo xirou extensamente para promover o álbum cos seus característicos directos explosivos, desta vez con dous baterías. Como abreconcertos para parte da xira estivo a banda de Longoria The Black, que contaba con Longoria como vocalista e con Alan Schaefer como guitarrista, completando o resto de TOD o grupo.

O quinto álbum de estudio da banda, So Divided, foi publicado o día 14 de novembro de 2006. Clay Morris substituíu a Longoria como teclista nos directos, e finalmente converteuse en membro a tempo completo.

Despois de Interscope

[editar | editar a fonte]

A finais do verán de 2007, Trail of Dead xirou novamente por Europa, desta vez co batería Aaron Ford substituíndo a Doni Schroader.[10] Danny Wood estivo ausente nesas actuacións, deixando a banda en silencio. Finalmente foi substituído por Jay Leo Phillips. A banda realizou a banda sonora da película de 2007 Hell on Wheels, un documental sobre a formación do Roller Derby en Austin, Texas. Despois de que rematase a xira europea o 15 de marzo de 2007, Trail of Dead regresou ao estudio para comezar a gravar o seu sexto álbum.[11] En outubro apoiaron á banda virtual Dethklok nunha xira universitaria de Adult Swim.[12] Ese mesmo mes a banda deixou Interscope Records pola falta de apoio do selo.[13][14]

A principios de 2008 Trail of Dead regresou ao estudio sen un contrato discográfico.[15] Usando os seus propios cartos a banda filmou as súas experiencias gravando e publicounas en YouTube.[16] O 21 de outubro editaron un EP, semellante a un adianto dun álbum, titulado Festival Thyme a través do selo Richter Scale Records. O 17 de febreiro de 2009 lanzaron un álbum de 13 temas, The Century of Self.[17][18][19]

No mes de setembro de 2010, Conrad Keely anunciou o lanzamento dun novo álbum en 2011 producido por Chris "Frenchie" Smith, que viría acompañado dun cómic.[20] Frenchie Smith tamén remesturou o seu álbum de estrea. O 10 de novembro de 2010 anunciouse que o seu sétimo disco, Tao of the Dead, sería editado en América do Norte o 8 de febreiro de 2011.[21] Tamén se anunciou que a banda quedara reducida a un cuarteto, saíndo da formación Jay Phillips, Clay Morris e Kevin Allen. As circunstancias da marcha destes membros son descoñecidas. Aaron Ford gravou todas as baterías de Tao of the Dead, pero tamén deixou a banda. O grupo actuou no programa Late Night with Jimmy Fallon o 7 de febreiro de 2011, estreándose o baixista Autry Fulbright II (do proxecto paralelo de Reece Midnight Masses) e o batería/guitarrista Jamie Miller, da banda theSTART. O 17 de febreiro anunciouse que Jason Reece sería o presentador invitado no programa de Toby Ryan na emisora de Austin KROX-FM (101X).

En 2012 a banda gravou material para un novo álbum en Hannover, Alemaña, co produtor Chris "Frenchie" Smith e o enxeñeiro Mirko Hofmann.[22][23] O 22 de agosto o grupo anunciou o seu oitavo álbum de estudio, Lost Songs, e lanzou a canción "Up To Infinity", dedicada a Pussy Riot.[24][25] A portada revelouse o día 6 de setembro e o 25 de setembro[26] publicouse a canción "Catatonic" a través de Spotify.[27]

En maio de 2013 a banda anunciou un novo EP, Tao of the Dead Part III, a través de Twitter.[28] En febreiro de 2014 o grupo anunciou unha limitada xira polos Estados Unidos, centrada en tocar música de Source Tags & Codes, e plans para gravar o seu seguinte álbum, unha secuela de Tao of the Dead, na primavera e verán de 2014.[29] En abril de 2014 lanzouse o álbum ao vivo Live at Rockpalast 2009.[30] No mes de agosto a banda anunciou o seu noveno álbum, IX, usando un crebacabezas en liña.[31] Tras a xira de presentación do álbum, Keely mudouse a Camboxa e publicou o traballo Original Machines en 2016.[32] En novembro de 2017 o grupo anunciou unha xira europea para celebrar o 20 aniversario do lanzamento do seu álbum de estrea.

O 14 de novembro de 2019, a banda publicou "Don't Look Down", o primeiro sinxelo do seu décimo álbum, X: The Godless Void and Other Stories. O seu segundo sinxelo, "The Godless Void", foi lanzado o día 6 de decembro. A banda realizou unha xira promocional do álbum por América do Norte a partir de xaneiro e o álbum foi publicado o día 17 dese mes.[33]

En marzo de 2022 anuncouse un álbum dobre, XI: Bleed Here Now, que sería editado no verán cunha mestura cadrafónica.[34]

Discografía

[editar | editar a fonte]

Álbums de estudio

[editar | editar a fonte]
ÁlbumAnoSelo
...And You Will Know Us by the Trail of Dead1998Trance Syndicate
Madonna1999Merge Records
Source Tags & Codes2002Interscope Records
Worlds Apart2002Interscope Records
So Divided2006Interscope Records
The Century of Self2009Richter Scale/Justice Records
Tao of the Dead2011Richter Scale/Superball Music
Lost Songs2012Richter Scale/Superball Music
IX2014Richter Scale/Superball Music
X: The Godless Void and Other Stories2020Dine Alone Records
XI: Bleed Here Now 2022 Dine Alone Records

EPs

[editar | editar a fonte]
ÁlbumAnoSelo
Relative Ways2001Interscope Records
The Secret of Elena's Tomb2003Interscope Records
Worlds Apart2004Interscope Records
Festival Thyme2008Superball Music
Tao of the Dead Part III2013Superball Music

Notas

[editar | editar a fonte]
  1. ↑ "...And You Will Know Us By The Trail Of Dead, In Concert". NPR (en inglés). 2011-05-13. Consultado o 2026-02-25.
  2. ↑ Keely, Conrad. "Tour diary excerpts: Most tours are difficult, this one was chaos". Patreon (en inglés). Consultado o 2026-02-25.
  3. ↑ "Deanne Rowley McAdams Obituary". The Olympian. Consultado o 24 de febreiro de 2020.
  4. ↑ "...And You Will Know Us By The Trail of Dead // Why is the Trail of Dead?". web.archive.org. 2005-09-30. Arquivado dende o orixinal o 30 de setembro de 2005. Consultado o 2020-02-24.
  5. ↑ "...Trail of Dead - Interview with Conrad Keely - openingbands.com". web.archive.org. 2009-04-18. Arquivado dende o orixinal o 18 de abril de 2009. Consultado o 2020-02-24.
  6. ↑ "...And You Will Know Us By The Trail Of Dead: Source Tags & Codes (2002): Reviews". web.archive.org. 2009-02-15. Arquivado dende o orixinal o 15 de febreiro de 2009. Consultado o 2020-02-24.
  7. ↑ "And You Will Know Us By the Trail of Dead: Worlds Apart: Pitchfork Record Review". web.archive.org. 2007-05-20. Arquivado dende o orixinal o 20 de maio de 2007. Consultado o 2020-02-24.
  8. ↑ "Trail of Dead Bring "Codes" to NY: ...And You Will Know Us By the Trail of Dead : Rolling Stone". web.archive.org. 2009-03-06. Arquivado dende o orixinal o 06 de marzo de 2009. Consultado o 2020-02-24.
  9. ↑ "Trail Of Dead Album Postponed Until January - News Story | Music, Celebrity, Artist News | MTV News". web.archive.org. 2009-02-15. Arquivado dende o orixinal o 15 de febreiro de 2009. Consultado o 2020-02-24.
  10. ↑ "Trail of Dead Announce Replacement Drummer | Pitchfork". web.archive.org. 2009-02-15. Arquivado dende o orixinal o 15 de febreiro de 2009. Consultado o 2020-02-24.
  11. ↑ "the official unofficial trail of dead fansite | trail of dead to forgo releasing "so divided" singles, b-sides". web.archive.org. 2008-07-24. Arquivado dende o orixinal o 24 de xullo de 2008. Consultado o 2020-02-25.
  12. ↑ "Trail of Dead, Dethklok launch second Adult Swim tour >> Tour dates and concert ticket info >> LiveDaily". web.archive.org. 2009-03-06. Arquivado dende o orixinal o 06 de marzo de 2009. Consultado o 2020-02-25.
  13. ↑ "Exclaim News: Trail of Dead Leave Interscope, Post Scathing Message". web.archive.org. 2009-03-07. Arquivado dende o orixinal o 07 de marzo de 2009. Consultado o 2020-02-25.
  14. ↑ "Trail of Dead Leave Interscope, Reveal Tour Dates | Pitchfork". web.archive.org. 2009-02-10. Arquivado dende o orixinal o 10 de febreiro de 2009. Consultado o 2020-02-25.
  15. ↑ "the official unofficial trail of dead fansite | trail of dead begin recording "so divided" epilogue in austin". web.archive.org. 2008-07-20. Arquivado dende o orixinal o 20 de xullo de 2008. Consultado o 2020-02-25.
  16. ↑ "the official unofficial trail of dead fansite | trail of dead to personally document recording process for film". web.archive.org. 2008-07-24. Arquivado dende o orixinal o 24 de xullo de 2008. Consultado o 2020-02-25.
  17. ↑ "Trail Of Dead Readies New 'Century' | Billboard". web.archive.org. 2013-04-14. Arquivado dende o orixinal o 14 de abril de 2013. Consultado o 2020-02-25.
  18. ↑ "Trail of Dead Offer New EP as Album Teaser | Pitchfork". web.archive.org. 2009-01-30. Arquivado dende o orixinal o 30 de xaneiro de 2009. Consultado o 2020-02-25.
  19. ↑ "the official unofficial trail of dead fansite | new, independent trail of dead album due in september". web.archive.org. 2008-07-24. Arquivado dende o orixinal o 24 de xullo de 2008. Consultado o 2020-02-25.
  20. ↑ "Trail of Dead sign with Superball Music and begin work on new album". Tiny Mix Tapes (en inglés). Consultado o 2020-02-25.
  21. ↑ "Pitchfork: Trail of Dead Announce New Record". web.archive.org. 2010-11-13. Arquivado dende o orixinal o 13 de novembro de 2010. Consultado o 2020-02-26.
  22. ↑ Dead, Trail Of (2012-03-26). "@Modulor_Man New LP being written in Texas now. Soon to be recorded in as yet undisclosed location outside of the U.S.". @TrailOfDead (en inglés). Consultado o 2020-02-26.
  23. ↑ entertaimnet (2012-10-25). "Trail Of Dead / Cambodia on my mind" (en alemán). Consultado o 2020-02-26.
  24. ↑ "Trail of Dead Announce New Album, Share Track". Pitchfork (en inglés). Consultado o 2020-02-26.
  25. ↑ "Superball Music - …AND YOU WILL KNOW US BY THE TRAIL OF DEAD: : premiere brand new track of the new album & announce album title and release date!". www.superballmusic.com. Arquivado dende o orixinal o 18 de marzo de 2020. Consultado o 2020-02-26.
  26. ↑ "And You Will Know Us by the Trail of Dead ready new LP". www.brooklynvegan.com. Consultado o 2020-02-26.
  27. ↑ Reed, Ryan; Reed, Ryan (2012-09-25). "Song Premiere: . . . And You Will Know Us by the Trail of Dead, 'Catatonic'". Rolling Stone (en inglés). Consultado o 2020-02-26.
  28. ↑ Dead, Trail Of (2013-05-29). "Tao Part III has launched!". @TrailOfDead (en inglés). Consultado o 2020-02-27.
  29. ↑ "...And You Will Know Us by the Trail of Dead Playing 'Source Tags & Codes' on North American Tour, Prepping 'Tao of the Dead' Sequel". exclaim.ca (en inglés). Consultado o 2020-02-27.
  30. ↑ "Live at Rockpalast 2009 - ...And You Will Know Us by the Trail of Dead | Songs, Reviews, Credits". AllMusic (en inglés). Consultado o 2020-02-27.
  31. ↑ "…And You Will Know Us By The Trail Of Dead Announce IX With Digital Jigsaw Puzzle". Stereogum. 2014-08-14. Consultado o 2020-02-27.
  32. ↑ "Conrad Keely: Original Machines". Pitchfork (en inglés). Consultado o 2020-02-27.
  33. ↑ "X: The Godless Void and Other Stories - ...And You Will Know Us by the Trail of Dead | Songs, Reviews, Credits". AllMusic (en inglés). Consultado o 2020-02-27.
  34. ↑ O'Neal 0, Sean (2022-03-16). "How Austin Punk Band Trail of Dead Survived a “Perfect Album” and “Young Devilry”". Texas Monthly (en inglés). Consultado o 2022-07-29.

Véxase tamén

[editar | editar a fonte]

Ligazóns externas

[editar | editar a fonte]
Obtido de «https://gl.wikipedia.org/w/index.php?title=...And_You_Will_Know_Us_by_the_Trail_of_Dead&oldid=7323988»