Özlem Türeci

Na Galipedia, a Wikipedia en galego.
Saltar ata a navegación Saltar á procura
Özlem Türeci
Ozlem Tureci v1.jpg
Nacemento6 de marzo de 1967
Lugar de nacementoLastrup
NacionalidadeAlemaña
EtniaTurks in Germany
Alma máterUniversidade do Sarre
Ocupacióninvestigadora, emprendedora e médica
CónxuxeUğur Şahin
PremiosGrã-cruz do Mérito com Estrela da Ordem do Mérito da República Federal da Alemanha, Premio Princesa de Asturias de Investigación Científica e Técnica, Prêmio Internacional Catalunha, honorary doctor of University of Cologne e Prêmio Paul Ehrlich e Ludwig Darmstaedter
editar datos en Wikidata ]

Özlem Türeci, nada en Lastrup, Baixa Sajonia en 1967, é unha médica, inmunóloga e empresaria alemá de orixe turca.[1] É cofundadora e directora médica de BioNTech. Türeci e o seu equipo desenvolveron unha vacina contra o SARS-CoV-2.

Traxectoria[editar | editar a fonte]

Türeci é cofundadora e directora médica de BioNTech. Tamén preside a Asociación para a Inmunoterapia do Cancro (CIMT), con sede en Maguncia.[2] Foi unha das iniciadoras do Cluster para a Intervención Inmune Individualizada da rexión Rin-Meno, a cal preside, e é conferenciante na Universidade de Maguncia.[3][4][5][6][7]

É unha pioneira na inmunoterapia contra o cancro e traballou no desenvolvemento de vacinas individualizadas contra o cancro baseadas en ARN mensaxeiro.[1]

En 2001, Türeci colaborou na fundación de Ganymed Pharmaceuticals como directora científica da mesma, da que alcanzaría a dirección executiva en 2008.[6] Ganymed pasou a ser filial de Astellas Pharma por mor da súa adquisición en 2016 por 1300 millóns de euros, na que foi a maior adquisición na industria biotecnológica alemá até a data.[1]

Durante a pandemia de COVID-19, Türeci dirixiu a súa actividade á procura dunha vacina contra o SARS-CoV-2, o virus responsable da COVID-19, en asociación con Pfizer.[4] O 11 de novembro de 2020, Pfizer informou que Tozinameran, a vacina desenvolvida por Türeci e o seu equipo tiña unha eficacia de máis do 90 % en proporcionar inmunidade fronte ao virus.[8]

Premios[editar | editar a fonte]

O 23 de xuño de 2021 o xurado do Premio Princesa de Asturias de Investigación Científica e Técnica otorgou este galardón a Katalin Kariko, Drew Weissman, Philip Felgner, Uğur Şahin, Özlem Türeci, Derrick Rossi e Sarah Gilbert polas investigacións que permitiron o desenvolvemento das vacinas contra a covid 19.[9]

Ademais, recibiu os seguintes galardóns:

  • Premio Georges Köhler da Sociedade Alemá de Inmunología (2005).
  • Premio de Sustentabilidade Nacional de Alemaña, Premio Honorario (2020).[10]
  • Persoa do Ano do Financial Times (2020).[11]

Notas[editar | editar a fonte]

  1. 1,0 1,1 1,2 Rodríguez Fernández, Clara (9 de outubro de 2017). "The Woman Developing the Next Generation of Cancer Immunotherapy". Consultado o 9 de novembro de 2020. 
  2. "CIMT". 
  3. "Cluster for Individualized Immune Intervention (Ci3) e.V.". 
  4. 4,0 4,1 "German pharma company BioNTech nears coronavirus vaccine". DW (en inglés). 9 de novembro de 2020. Consultado o 9 de novembro de 2020. 
  5. Oltermann, Philip (9 de novembro de 2020). "Hopes rise for end of pandemic as Pfizer says vaccine is 90% effective". The Guardian (en inglés). Consultado o 20 de decembro de 2020. 
  6. 6,0 6,1 "Leadership" (en inglés). Consultado o 9 de novembro de 2020. 
  7. "Chairpersons – Cluster for Individualized Immune Intervention (Ci3) e.V." (en inglés). Cluster for Individualized Immune Intervention (Ci3) e.V. Consultado o 9 de novembro de 2020. 
  8. Gelles, David (10 de novembro de 2020). "The Husband-and-Wife Team Behind the Leading Vaccine to Solve Covid-19" (en inglés). ISSN 0362-4331. Arquivado dende o orixinal o |url-arquivo= require |data-arquivo= (Axuda). Consultado o 12 de novembro de 2020. 
  9. Limón, Raúl (2021-06-23). "Los premios Princesa de Asturias distinguen a los investigadores de las vacunas contra la covid". EL PAÍS (en castelán). Consultado o 2021-06-23. 
  10. "Deutscher Nachhaltigkeitspreis: Startseite" (en alemán). Consultado o 17 decembro 2020. 
  11. Miller, Joe (16 de decembro de 2020). "FT People of the Year: BioNTech’s Ugur Sahin and Ozlem Tureci" (en inglés). Consultado o 17 de decembro de 2020. 

 

Véxase tamén[editar | editar a fonte]

Outros artigos[editar | editar a fonte]