Élite (serie de televisión)
Élite (estilizado como ÉLITƎ) é unha serie web española de suspense adolescente creada e escrita por Carlos Montero e Darío Madrona e dirixida por Ramón Salazar e Dani de la Orden para Netflix.[1] A serie conta cun elenco composto por Miguel Herrán, Aron Piper, Mina El Hammani, Omar Ayuso, María Pedraza, Itzan Escamilla, entre outros, que interpretan os estudantes dun instituto de elite e os seus amigos.[2][3] A primeira tempada foi estreada en Netflix o 5 de outubro de 2018.[4] O 17 de outubro dese mesmo ano, Netflix renovou a serie para unha segunda tempada, que se estreou o 6 de setembro de 2019. A serie foi renovada para unha terceira tempada antes da estrea da segunda.[5]
Sinopse
[editar | editar a fonte]A serie segue a vida de tres novos estudantes que recibiron unha bolsa para estudar en "Las Encinas", un instituto prestixioso de España, tras o derrubamento que sufriu o seu anterior instituto. A chegada de Samuel, Nadia e Christian non será nada fácil, pois os estudantes que se atopan en devandito instituto non lles farán a vida sinxela. Pero entre a humillación e o acoso escolar ocorre o asasinato dun dos adolescentes, e só quedará por descubrir quen foi o asasino.
Personaxes
[editar | editar a fonte]- María Pedraza como Marina Nunier Osuna, a irmá de Guzmán[6] (tempada 1)
- Itzan Escamilla como Samuel García Domínguez, un dos tres estudantes transferidos que está namorado de Marina[6]
- Miguel Bernardeau como Guzmán Nunier Osuna, irmán adoptado de Marina[6]
- Miguel Herrán como Christian Varela Expósito, un dos tres estudantes transferidos que se sente atraído por Carla.[6]
- Jaime Lorente como Fernando "Nano" García Domínguez, o irmán máis vello de Samuel que acaba de saír do cárcere[6]
- Álvaro Rico como Polo, mozo de Carla[6]
- Arón Piper como Ander Muñoz, o fillo do director e xogador de tenis que descobre a súa sexualidade[6]
- Mina El Hammani como Nadia Shanaa, unha dos tres estudantes tranferidos, filla de emigrantes palestinos[6]
- Ester Expósito como Carla Rosón Caleruega, moza de Polo[6]
- Omar Ayuso como Omar Shanaa, irmán de Nadia e traficante que se namora de Ander contra os desexos de seu pai[6]
- Danna Paola como Lucrecia "Lu" Montesinos Hendrich, moza de Guzmán[6]
- Claudia Salas como Rebeca P. (tempada 2–presente)
- Georgina Amorós como Cayetana G. (tempada 2–presente)
- Jorge López como Valerio Montesinos Rojas, irmán de Lu (tempada 2–presente)
Notas
[editar | editar a fonte]- ↑ "'Élite' ya tiene protagonista: Netflix ficha a una joven promesa de Movistar+".
- ↑ Doyle, John (7 de oubro de 2018). The Globe and Mail, ed. "Netflix’s Elite: A Spanish teen drama, and murder mystery, with a blunt message". Consultado o 6 de febreiro de 2019.
- ↑ Crumlish, Callum (6 de outubro de 2018). "HomeShowbiz & TVTV & Radio Elite on Netflix Review: Does the teen drama break the mould or simply add to the pile?". Express. Consultado o 6 de febreiro de 2019.
- ↑ "Netflix calienta el estreno de 'Élite' con un nuevo tráiler".
- ↑ Hopewell, John; Granada, Emiliano (29 de agosto ce 2019). Variety, ed. "‘Elite’ Renews for Season 3 as Creators, Cast Reveal Season 2 Details". Consultado o 29 de agosto de 2019.
- 1 2 3 4 5 6 7 8 9 10 11 FormulaTV (ed.). "Personajes Élite. Reparto de actores". Consultado o 10 de outubro de 2018.
Véxase tamén
[editar | editar a fonte]Ligazóns externas
[editar | editar a fonte]- Páxina oficial
- Élite na IMDb (en inglés).
| Control de autoridades |
|
|---|
