Ángel Fernández Vázquez

Engadir ligazóns
Na Galipedia, a Wikipedia en galego.
Gelucho
Información persoal
Nome Ángel Fernández Vázquez
Nacemento 13 de decembro de 1933
Lugar de nacemento Pontevedra
Falecemento 18 de maio de 2021
Altura 1,77 m.
Carreira xuvenil
Rápido de Pereiró
Carreira sénior
Anos Equipos Aprs (Gls)
1954–1955 Pontevedra 8 (0)
1955 Rápido de Bouzas
1955–1957 Gran Peña
1957–1958 Turista
1958–1959 Deportivo da Coruña 20 (0)
1959–1965 Ourense 88 (0)
1965–1966 Melilla CF 8 (0)
1966–1970 Turista
Adestrador
1970–1972 Coruxo
Partidos e goles só en liga doméstica.

[ editar datos en Wikidata ]

Ángel Fernández Vázquez, máis coñecido como Gelucho, nado en Pontevedra o 23 de decembro de 1933 e finado o 18 de maio de 2021, foi un futbolista galego, que xogaba como porteiro.

Traxectoria[editar | editar a fonte]

Deu os seus primeiros pasos como futbolista no equipo xuvenil do Rápido de Pereiró e debutou na Terceira División nas filas do Pontevedra, durante a tempada 1954/55.[1] Posteriormente pasou polo Rápido de Bouzas, onde lle quitou o posto de titular a Cholo Armada,[2] e durante os seguintes anos xogou no Gran Peña e no Turista.

En 1958 foi contratado polo Deportivo da Coruña, da Segunda División, club que estaba realizando unha profunda remodelación do seu cadro de xogadores.[3] Xunto a el chegaron entre outros Amancio, Rabadán, Manchón, Veloso, Vigo, Sobrín e Collar.[4] No equipo coruñés tivo a difícil responsabilidade de ocupar xunto con Rafa Sáez o oco deixado polo porteiro Otero, que acababa de marchar ao Betis. Foi Gelucho quen se fixo coa titularidade e disputou un total de 23 partidos durante a tempada 1958/59.[3]

Ao remate da campaña fichou polo Ourense, da mesma categoría, club no que militou durante os seguintes seis anos, todos eles en Segunda. Foi titular durante a primeira delas, pero a chegada do vasco Ibarreche en 1960 relegouno ao banco.[5] Tralo descenso do club ao remate da tempada 1964/65, fichou polo Melilla, onde xogou durante unha tempada antes de regresar ao Turista, onde colgou as luvas en 1970.

Trala súa retirada foi adestrador, comezando no banco do Coruxo, ao que dirixiu entre 1970 e 1972.[6][7] A continuación regresou ao Turista como adestrador do equipo xuvenil.[8]

Vida persoal[editar | editar a fonte]

Casou con María José Arrizabalo Lapeña, coa que tivo catro fillas.[9][10]

Notas[editar | editar a fonte]

  1. ↑ "Manifestaciones del portero Gelucho que pronostica un amplio triunfo sobre el Arosa". El Pueblo Gallego (en castelán) (10529). 17 de novembro de 1955. p. 10. Consultado o 27 de abril de 2022. 
  2. ↑ "Bouzas, tierra de porteros". Faro de Vigo (en castelán). 24 de marzo de 2016. Consultado o 27 de abril de 2022. 
  3. ↑ 3,0 3,1 "Gelucho, porteiro deportivista a finais dos anos 50, faleceu aos 87 anos". 19 de maio de 2021. Consultado o 27 de abril de 2022. 
  4. ↑ "Es probable que hoy o mañana quede formada la nueva directiva del Deportivo". La Voz de Galicia (en castelán). 9 de agosto de 1958. p. 5. 
  5. ↑ "Gelucho". El Pueblo Gallego (en castelán) (13852). 17 de xaneiro de 1963. p. 15. Consultado o 27 de abril de 2022. 
  6. ↑ "El Corujo eliminado del trofeo de aficionados, por el Turista: 0-2". El Pueblo Gallego (en castelán). 13 de outubro de 1970. p. 18. Consultado o 27 de abril de 2022. 
  7. ↑ "El Corujo, uno de los grandes favoritos". El Pueblo Gallego (en castelán). 10 de febreiro de 1971. p. 16. Consultado o 27 de abril de 2022. 
  8. ↑ "Gelucho, entrenador de los juveniles del Turista". El Pueblo Gallego (en castelán) (17713). 4 de febreiro de 1972. p. 12. Consultado o 27 de abril de 2022. 
  9. ↑ "Hace 50 años... Bodas y nacimientos". La Región (en castelán). 12 de novembro de 2009. Consultado o 27 de abril de 2022. 
  10. ↑ "Obituario". Faro de Vigo (en castelán). 19 de maio de 2021. Consultado o 27 de abril de 2022. 
Traído desde «https://gl.wikipedia.org/w/index.php?title=Ángel_Fernández_Vázquez&oldid=6095132»