Zemlya Aleksandry

Na Galipedia, a Wikipedia en galego.
Zemlya Aleksandry
Localización da illa
Mapa da illa Terra de Alexandra
Situación
PaísRusia Rusia
ÓblastÓblast de Arkhanguelsk
ArquipélagoTerra de Francisco Xosé
MarOcéano Ártico
Coordenadas80°38′38″N 46°49′50″L / 80.64389, -46.83056Coordenadas: 80°38′38″N 46°49′50″L / 80.64389, -46.83056
Xeografía
Superficie1.050 km²
Longura máxima70 km.
Largura máxima30 km.
Punto máis alto382 m. Kupol Lunny
Demografía
CapitalNagurskaja
Poboación17 (base militar) (2013)

Terra de Alexandra (ruso: Земля Александры, Zemlya Aleksandry) é unha grande illa situada na Terra de Francisco Xosé no Óblast de Arkhanguelsk, Federación Rusa. Sen contar a separada e afastada illa Vitoria, é a illa máis occidental do arquipélago de Francisco Xosé.

Xeografía[editar | editar a fonte]

O punto máis alto da illa, é o cume de 382 m. Kupol Lunny (Купол Лунный) "Cúpula da Lúa", un gran glaciar cobre a maior parte da zona occidental da illa.[1] No extremo occidental da zona glaciar occidental atópase o glaciar Nordenskiöld;[2] outros glaciares na illa son o Glaciar Worcester[3] e o Glaciar Payer. A parte norte da illa é conxelada e o seu extremo leste forma unha península que se estende cara ao sur, a península de Polyarnykh Letchikov.[4] Esta península está cuberta pola Kupol Kropotkina (Купол Кропоткина), unha capa de xeo máis pequena.[5] Hai tres lagos grandes na illa, incluíndo o Lago Utinoye (Lago Parrulo) e o lago Ledyanoye (Lago xeado).

Baía Dezhnev (Zaliv Dezhneva) atópase entre a parte occidental da illa e a península de Polyarnykh Letchikov. O cabo Thomas (Mys Tomasa) é o extremo meridional da península. A canle Cambridge (Proliv Kambritch) é un amplo estreito entre Terra Alexandra e Zemlya Georga.

No extremo sur esta illa ten dous cabos apuntando cara ao suroeste na súa costa máis meridional: Cabo Lofley e Cabo Ludlow. Cabo Mary Harmsworth, o cabo que mira cara ao oeste é o punto máis occidental do arquipélago de Francisco Xosé propiamente dito.

Historia e ecología[editar | editar a fonte]

Chamada Terra Alexandra na honra da Gran Duquesa Alexandra Pavlovna de Rusia (1783-1801), que se converteu en Arquiduquesa de Austria durante o seu matrimonio con Arquiduque Xosé de Austria, Palatino de Hungría. Terra Alexandra é tamén o lugar da base militar de Nagurskoye, a base militar máis ao norte de Rusia.

O navegante ruso Valerian Albanov do Svyataya Anna alcanzou o cabo Mary Harmsworth na terra Alexandra en 1914 logo dun calvario no xeo polar. O cabo Mary Harmsworth foi chamado así pola esposa de Alfred Harmsworth. Alfred Harmsworth, compañeiro da Royal Geographical Society (Sociedade Xeográfica Real)], foi o patrocinador principal da Expedición Polar de Frederick George Jackson de 1894 a Terra de Francisco Xosé.

Durante a segunda guerra mundial os alemáns estableceron unha estación meteorolóxica malograda na illa, chamada Schatzgräber ("Cazador de tesouros"). A maioría dos membros enfermaron de triquinose despois de comer carne crúa de oso polar. Os superviventes foron rescatados e o proxecto abandonado.[6][7][8]

Nagurskoye é unha base rusa situada na illa na localización 80°49′N 47°25′L / 80.817, -47.417, no sitio da anterior estación meteorolóxica. Foi bautizada polo piloto pioneiro Jan Nagórski e serviu como unha das estacións meteorolóxicas máis importantes no arquipélago durante a guerra fría. Esta base ten unha pista de neve de 1500 m.. Un avión de carga Antonov An-72 estrelouse mentres aterraba en Nagurskoye o 23 de decembro de 1996.

Mapa orixinal da ruta tomada por Nansen e Johansen durante a súa expedición 1895-96 do Polo Norte. A costa sur de "Alexandra" está incluída no oeste.
Terra Alexandra nun mapa de 1898 da terra de Francisco xosé que mostra as exploracións de Frederick G. Jackson.

Notas[editar | editar a fonte]

  1. ↑ "Kupol Lunny". Mapcarta. Consultado o 6 de outubro de 2016. 
  2. ↑ "Alexandra Land – Franz-Joseph-Land". Franz-Joseph-Land Info. Arquivado dende o orixinal o 03 de decembro de 2013. Consultado o 8 de outubro de 2016.  Arquivado 03 de decembro de 2013 en Wayback Machine.
  3. ↑ "Popular Science Monthly/Volume 55/setembro 1899/Scientific Literature". Wikisource. Consultado o 11 de outubro de 2016. 
  4. ↑ "Poluostrov Polyarnykh Letchikov". Mapcarta. Consultado o 6 de outubro de 2016. 
  5. ↑ "Kupol Kropotkina, Russia - Geographical Names, map, geographic coordinates". geographic.org. 
  6. ↑ Warnes, Indra (22 de outubro de 2016). "A base polar secreta NAZI ordenada por Adolf Hitler ddescuberta no Árctico". The Express. Consultado o 22 de outubro de 2016. 
  7. ↑ Dege, Wilhelm (2003). War North of 80: The Last German Arctic Weather Station of World War II. Traducido por William Barr. University of Calgary Press. ISBN 1-55238-110-2. 
  8. ↑ Simpson, Craig. "Hitler's secret 'Treasure Hunter' Arctic base which was abandoned after its staff poisoned themselves eating polar bears is found by Russian scientists". A base secreta Ártica de Hitler 'Cazador de tesouros' abandonada logo de que os científicos comeran carne de oso polar infectada foi desenterrada. O misterioso sitio, chamado 'Schatzgraber' ou 'Cazador de tesouros' dos subordinados de Hitler, construíuse en 1942, un ano despois de que o Terceiro Reich invadira Rusia. Os investigadores rusos agora redescubriron a base militar, que a guarnición anterior evacuou polo U-boat despois de comer o oso polar infectado. 

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Zemlya_Aleksandry&oldid=6655120»