Wikimedia Commons
Wikimedia Commons, abreviado decote como Wikicommons ou simplemente Commons, é un proxecto da Fundación Wikimedia creado o 7 de setembro de 2004 co obxecto de servir como almacén de ficheiros, tanto de imaxe como outros formatos multimedia, dos que botar man á hora de fornecer o resto dos proxectos da fundación.
[editar] Características
Todos os ficheiro deben ser liberados baixo licenzas libres (como a licenza de documentación libre de GNU) ou no dominio público, actualmente ten máis de seis millóns de ficheiros multimedia libres.
Baséase nun wiki configurado de tal forma que os arquivos alí contidos están dispoñíbeis en todos os demais wikis dos proxectos de Wikimedia de forma transparente. Isto permite unha xestión centralizada deste tipo de ficheiro en todas as versións de Wikipedia, Wikilibros etc.
É posíbel editar as páxinas de Commons sen rexistro previo, pero é necesario rexistrarse para subir imaxes.
