Vivian Fuchs

Na Galipedia, a Wikipedia en galego.

Vivian Ernest Fuchs, nado na Illa de Wight en 1908 e finado en 1999, foi un explorador e xeólogo británico.

Traxectoria[editar | editar a fonte]

De orixe alemá, en 1929 participou na expedición a Groenlandia de James Wordie. En 1934 dirixiu unha expedición ao lago Turkana coa intención de exploralo xeolóxica, arqueolóxica e paleontoloxicamente. Dirixiu tamén a Expedición Trans-Antártica da Commonwealth para celebrar o Ano Xeofísico Internacional de 1957, e foi a primeira en cruzar a Antártica.