Veo de manivelas

Na Galipedia, a Wikipedia en galego.
O veo de manivelas, illado, cos moentes da biela (onde se liga a biela) destacados.
Veo de manivelas (vermello), pistóns (gris) nos seus cilindros (azul) e volante de inercia (negro)

O veo de manivelas[1] ou cegoñal[2] é o eixo dunha máquina, que recolle o movemento transmitido polas bielas e o cede á unha transmisión ou carga. Ten forma de eixo con cóbados e contrapesos que, aplicando o principio do mecanismo de biela - manivela, transforma o movemento rectilíneo alternativo en rotatorio e viceversa.

O veo de manivelas é unha parte esencial nos motores alternativos, nos cales o movemento lineal dos pistóns dentro dos cilindros se transmite ás bielas e se transforma nun movemento rotatorio do eixo que, á súa vez, se transmite ás rodas e outros elementos coma un volante de inercia. O veo de manivelas é un elemento estrutural do motor.

Normalmente fabrícanse de aliaxes capaces de soportar os esforzos aos que se ven sometidos e poden ter perforacións e condutos para o paso de lubricante. Hai diferentes tipos de veos de manivelas; existen de tres apoios, de cinco apoios, etc., dependendo do número de cilindros que teña o motor.

Notas[editar | editar a fonte]

  1. Elisardo López Varela, Antonio Pichel Lorenzo, Emilio Facal Cancela (1992). Vocabulario temático ilustrado: galego, français, español, english. Editorial Galaxia. p. 198. ISBN 84-7154-798-8.
  2. Definicións no Dicionario da Real Academia Galega e no Portal das Palabras para cegoñal.

Véxase tamén[editar | editar a fonte]

Commons
Commons ten máis contidos multimedia na categoría: Veo de manivelas

Outros artigos[editar | editar a fonte]