Vash

Vash
Biografía
Nacemento	22 de agosto de 1985; Guiyang, provincia de Guizhou, China
Datos persoais
País de nacionalidade	Chinesa
Grupo étnico	Han
Actividade
Ocupación	Director de cine

Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.

Yan Jia (chinés simplificado: 严嘉; pinyin: Yán Jiā), coñecido artisticamente como Vash, é un director de cinema chinés contemporáneo.^[1] Nado o 22 de agosto de 1985 en Guiyang, provincia de Guizhou, é coñecido internacionalmente polo filme Shéntàn Pú Sōnglíng Zhī Lánruò Xiānzōng (2019), protagonizado por Jackie Chan.^[1]^[2] Esta película foi proxectada no Festival Nits de Cinema Oriental de Vic, con subtítulos en catalán.^[3]^[4]

Traxectoria[editar | editar a fonte]

Yan Jia estudou deseño de interiores no Reino Unido.^[1] Posteriormente, volveu a China para estudar cinema en Shanghai.^[1] Alí, traballou na rodaxe das películas Mission: Impossible III (2006) e The Mummy: Tomb of the Dragon Emperor (2008).^[1] No ano 2010, participou no programa de televisión Wo yao pai dianying 我要怕电影 ("Quero facer unha película") e contribuíu aos efectos especiais de Batman: Under the Red Hood.^[1]^[2] En 2014, coescribíu a súa primeira película 3D Shi ren chong 3D食人虫 ("Os insectos comedores de persoas 3D").^[1]^[5] En 2019 e 2023 dirixíu as películas Shéntàn Pú Sōnglíng Zhī Lánruò Xiānzōng 神探蒲松龄之兰若仙踪 ("O detective Pu Songling") e Ju ji shou 狙击手 ("O francotirador"), respectivamente.^[3]^[6]