Tropical Rainfall Measuring Mission

Na Galipedia, a Wikipedia en galego.
(Redirección desde «TRMM»)
Tropical Rainfall Measuring Mission / TRMM
TRMM
TipoObservación terrestre
OrganizaciónNASA, NASDA
Data de lanzamento27 de novembro de 1997, 21:27 GMT[1][2][3][4]
Foguete portadorH-II[3][5]
Sitio de lanzamentoCentro Espacial de Tanegashima[3][6]
Obxectivo da misiónEstudo da choiva tropical.[3][6]
Decaemento16 de xuño de 2015[1]
NSSDC ID1997-074A
Masa2394 kg[3]
Potencia1100 W[6]

Tropical Rainfall Measuring Mission, máis coñecido polo seu acrónimo TRMM, foi un satélite artificial colaboración da NASA e da NASDA xaponesa lanzado nun foguete H-II desde o Centro Espacial de Tanegashima o 27 de novembro de 1997.[2][3][5][6]

Características[editar | editar a fonte]

A misión de TRMM foi estudar as precipitacións das zonas tropicais e subtropicais, un dos factores máis importantes e menos coñecido do sistema climático terrestre debido ao calor latente que libera.[3][5][6]

A nave estabilizábase nos tres eixos e dispoñía de dous paneis solares que lle proporcionaban ata 1100 vatios de potencia. Levaba os seguintes instrumentos a bordo:[3][5][6]

  • Clouds and the Earth's Radiant Energy System (CERES): un radiómetro pasivo de banda ancha con tres bandas espectrais (do visible ao infravermello) para medir o balance enerxético da Terra e a radiación da atmosfera desde a parte superior ata a superficie.
  • Lightning Imaging Sensor (LIS): telescopio óptico con sistema de filtrado para estudar a distribución e variabilidade dos relampos, tanto os producidos entre as nubes como entre as nubes e o solo.
  • Precipitation Radar (PR): o primeiro radar para detección de chuvia enviado ao espazo. Era capaz de obter datos da estrutura tridimensional da chuvia, medir a súa cantidade e foi usado para mellorar a preción do instrumento TMI.
  • TRMM Microwave Imager(TMI): radiómetro microondas multicanal para obter datos da chuvia sobre os océanos. Xunto co PR obtivo o conxunto de datos máis importantes da misión.
  • Visible Infrared Scanner (VIRS): radiómetro pasivo para medir a irradiancia en cinco bandas espectrais, do visible ao infravermello.

As operacións con TRMM cesaron o 8 de abril de 2015, tras esgotar o satélite todo o seu propelente. Reentrou na atmosfera o 16 de xuño dese mesmo ano. En 2014 lanzouse Global Precipitation Measurement, que continuou o traballo de TRMM.[3][5][6]

Notas[editar | editar a fonte]

  1. ↑ 1,0 1,1 N2YO (2011). Real Time Satellite Tracking, ed. "TRMM" (en inglés). Consultado o 17 de febreiro de 2018. 
  2. ↑ 2,0 2,1 "Note verbale dated 12 June 1998 from the Permanent Mission of the United States of America to the United Nations (Vienna) addressed to the Secretary-General" (PDF) (98-54610(E)). 24 de xuño de 1998: 2. Consultado o 17 de febreiro de 2018. 
  3. ↑ 3,0 3,1 3,2 3,3 3,4 3,5 3,6 3,7 3,8 NASA (21 de marzo de 2017). "TRMM" (en inglés). Consultado o 17 de febreiro de 2018. 
  4. ↑ Claude Lafleur (2010). "TRMM" (en inglés). Consultado o 17 de febreiro de 2018. 
  5. ↑ 5,0 5,1 5,2 5,3 5,4 Gunter Dirk Krebs (2018). Gunter's Space Page, ed. "TRMM" (en inglés). Consultado o 17 de febreiro de 2018. 
  6. ↑ 6,0 6,1 6,2 6,3 6,4 6,5 6,6 Mark Wade (2011). "TRMM" (en inglés). Consultado o 17 de febreiro de 2018. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Tropical_Rainfall_Measuring_Mission&oldid=6587232»