Silvânia Costa de Oliveira
.jpg)  | |
| Biografía | |
|---|---|
| Nacemento | 23 de maio de 1987 (36 anos) Três Lagoas, Brasil |
| Datos persoais | |
| País de nacionalidade | Brasil |
| Altura | 174 cm |
| Actividade | |
| Ocupación | velocista |
| Lingua | Lingua portuguesa |
| Nacionalidade deportiva | Brasil |
| Deporte | atletismo paralímpico (pt)  |
| Participou en | |
| setembro de 2016 | Xogos Paralímpicos de 2016 |
Silvânia Costa de Oliveira, nada en Três Lagoas o 23 de maio de 1987, é unha atleta paralímpica brasileira con discapacidade visual.[1] Representou ao Brasil nos Xogos Paralímpicos de Verán 2016 en Río de Xaneiro e gañou a medalla de ouro na proba de salto de lonxitude feminino na categoría T11.
Costa ten unha discapacidade visual dende os 10 anos de idade. Os seus tres irmáns tamén teñen discapacidade visual.[2] O seu irmán Ricardo Costa de Oliveira é tamén deportista paralímpico; gañou unha medalla nos Xogos Paralímpicos de 2016: a medalla de ouro na proba de salto de lonxitude masculino na mesma categoría.[3]
Traxectoria[editar | editar a fonte]
Por mor dun problema co seu visado, case perde o Campionato Mundial de Atletismo Paralímpico de 2015, celebrado en Doha, mais finalmente logrou chegar á capital de Qatar. No evento venceu á súa compatriota Lorena Salvatini Spoladore e á sueca Viktoria Karlsson cun salto de 5.04 m, o que lle valeu a medalla de ouro.
Converteuse en medallista paralímpica de salto de lonxitude T11 en 2016 nos Xogos Paralímpicos de Río cun salto de 4,98 m, derrotando á marfilesa Brigitte Diasso (4,89 m) e a brasileira Salvatini Spoladore (4,71 m).[4] En 2017, fundou o Instituto Silvânia Oliveira, unha organización con sede na súa cidade natal que axuda aos nenos a afastarse da vida rueira practicando atletismo.[1]
Costa de Oliveira é a actual posuidora da marca mundial no salto de lonxitude T11 con 5,46 m, un salto realizado en São Paulo en 2016.[5]
Notas[editar | editar a fonte]
- ↑ 1,0 1,1 "Silvania Costa de Oliveira". paralympic.org (en inglés). Comité Paralímpico Internacional. Consultado o 18 de xullo de 2020.
- ↑ Fontes, Carol. "De problema a orgulho para a família, Silvânia se consagra com ouro no salto". globoesporte.com (en portugués). Consultado o 18 de xullo de 2020.
- ↑ "Ricardo Costa mantém tradição da família e dá 1º ouro do Brasil no salto em distância para cegos". bbc.com (en portugués). 8 de setembro de 2016. Consultado o 18 de xullo de 2020.
- ↑ "Silvania Costa leva ouro no salto em distância na Paralimpíada". Valor Econômico (en portugués). Consultado o 18 de xullo de 2020.
- ↑ "First competition for Silvania Costa de Oliveira as mother". International Paralympic Committee (en inglés). Consultado o 18 de xullo de 2020.
