Cegueira

Reloxo para deficientes visuais

Cabalo cego

A cegueira é a perda do sentido da vista. Pode ser total ou parcial e existen varios tipos de parcial dependendo do grao e tipo de perda de visión, como a visión reducida, o escotoma, a cegueira parcial dun ollo ou o daltonismo.

Tipos de cegueira

A cegueira clasifícase dependendo de onde se producira o dano que impide a visión. Este pode ser en:

1. Estruturas transparentes do ollo, coma as cataratas e a opacidade da córnea.
2. Retina, coma a dexeneración macular asociada á idade e a retinose pigmentaria.
3. Nervio óptico, coma o glaucoma ou a diabetes.
4. Cerebro.

Causas da cegueira

Pode ser provocada por:

• Enfermidades: as máis comúns son cataratas, glaucoma, dexeneración macular, opacidade corneal, tracoma e retinopatía diabética.
• Anormalidades e danos: en Estados Unidos os accidentes, especialmente nos menores de 30 anos, fan perder a vista xeralmente nun dos ollos.
• Defectos xenéticos: as persoas con albinismo usualmente sofren de deterioro da vista.
• Envenenamento: certos químicos coma o metanol, encontrado en bebidas económicas substitutas consumidas por alcohólicos.
• Falta de iris de nacemento.

A malnutrición xunto ás enfermidades son as causantes principais da cegueira.

Epidemioloxía

Un cego co seu can guía en Brasília, Brasil.

En 2002, a Organización Mundial da Saúde (WHO, World Health Organization) estimou que había 161 millóns de persoas (2,6 % da poboación mundial) no mundo con deterioro da vista, dos cales 124 millóns (2% aproximadamente) tiña baixa visión e 37 millones eran cegos (preto de 0,6%).

Véxase tamén

Outros artigos

• Braille
• Discapacidade
• Cans guía

Ligazóns externas

• ONCE (Organización Nacional de Cegos de España)
• Descrición de deficiencias visuais (Disc@pnet)
• Braillín, un boneco atractivo para calquera neno, con ou sen discapacidade, que permite familiarizarse co sistema de escritura e lectura braille.
• Axudas Técnicas