Roque Cameselle

Roque Cameselle
	;
Biografía
Nacemento	1981 (42/43 anos); Vigo, España
Actividade
Ocupación	escritor, director de cinema, realizador
Obra
	Obras destacables Soldado sen fortuna; (2001) O Pausiñas; (2003) Bieito Dubidoso; (2013) El Pequeño Mago ;
Páxina web	roquecameselle.com

A. Roque Cameselle Capón, nado en Vigo en 1981, é un escritor e director de cinema galego.

Traxectoria

Vive en Tui desde neno. Licenciado en Comunicación Audiovisual, foi profesor durante cinco anos de guión cinematográfico na Escola Superior de Cine de Galicia, e Crítico de cine de Faro de Vigo. Dirixiu as curtametraxes Memoria indesexable (1998), A moza do último (1998), Soldado sen fortuna (2001) e Amor a Mantis (2003).

No 2011 estreou no Festival Internacional do Novo Cinema Latinoamericano da Habana unha película de animación titulada The little Wizard. O mago Dubidoso, que significou o seu debut como director de longametraxes. A obra está baseada nos primeiros capítulos da súa novela Bieito Dubidoso.

Na actualidade, traballa como director e xefe de guionistas no desenvolvemento dunha serie de televisión de debuxos animados que se chama O diario de Berto.

Como guionista escribiu Na luz freada da tarde (2001), A Gilda chamábanlle Leonor (2002) e Meu xeneral o asasino foi o mar (2003), traballos premiados na convocatoria da Xunta de Galicia para a escritura de guións.

Como narrador publicou o libro de relatos O Pausiñas (2001), e a novela Bieito Dubidoso (2003). Algúns dos seus relatos foron publicados en volumes colectivos. Dende 1997 obtivo varios premios literarios no eido da poesía, do relato e da novela curta.

Obras

Narrativa

O Pausiñas, 2001, Galaxia.

Literatura infanto-xuvenil

Bieito Dubidoso, 2003, Xerais.
O pequeno mago, 2013, Xerais.

Obras colectivas

Ata que malle en min o mencer, 1998.
IIº Certame de relatos curtos Os Viaductos, 2001.
A memoria de Tui, 2002, Xerais. Con Carlos Díaz Martínez.
Nun edificio e catro contos máis, 2002.
Alma de beiramar, 2003, Asociación de Escritores en Lingua Galega.

Filmografía como director e guionista

Memoria Indesexable, Curtametraxe - 1998.
A moza do último, Curtametraxe - 1999.
Soldado sen fortuna, Curtametraxe - 2001.
Amor a Mantis, Curtametraxe - 2003.
O diario de Berto, Capítulo Piloto - 2008.
O pequeno mago, Longametraxe - 2013.

Véxase tamén

Ligazóns externas

"Autor/a: Roque Cameselle". Edicións Xerais de Galicia.