Ramón Lois Ordóñez

Ramón Lois Ordóñez
Biografía
Nacemento	(es) Ramón Antonio Lois Ordóñez ; 1946 ; Ponteceso, España
Morte	9 de xaneiro de 2020 (73/74 anos); A Coruña, España
Alcalde de Zas
Datos persoais
País de nacionalidade	España
Actividade
Ocupación	mestre , político
Partido político	Partido dos Socialistas de Galicia ; Unión de Centro Democrático

Ramón Antonio Lois Ordóñez, nado en Ponteceso en 1946 e finado na Coruña o 9 de xaneiro de 2020, foi un mestre e político galego.

Traxectoria[editar | editar a fonte]

Foi mestre e director do colexio de Zas. Neste municipio foi elixido concelleiro pola UCD tralas eleccións municipais de 1979, formación que quedou a tan só un concelleiro de lograla alcaldía. Nas municipais de 1983 encabezou a Candidatura Democrática Independente e foi elixido alcalde con maioría absoluta, derrotando así ó anterior rexedor Antonio Cortizo Cortizo, o cal se presentara por AP. Nas municipais de 1987 encabezou a CPG e foi reelixido con maioría absoluta. Foi un dos alcaldes desta formación que respaldou o apoio de 3 dos seus deputados á moción de censura presentada na Deputación da Coruña polo socialista Salvador Fernández Moreda contra José Manuel Romay Beccaría. Decidiu non presentarse á reelección nas municipais de 1991, retirándose da primeira liña política, pero colaborando coa candidatura do PSdeG-PSOE e pasando a formar parte deste partido en 1993^[1], se ben sempre en segunda liña.