Ramón Búa Otero

Na Galipedia, a Wikipedia en galego.

Ramón Búa Otero, nado na Illa de Arousa o 28 de abril de 1933 e finado en Vigo o 21 de abril de 2012, foi un relixioso galego, bispo da Igrexa Católica Romana.

Traxectoria[editar | editar a fonte]

Foi ordenado sacerdote ao servizo da diocese de Tui-Vigo o 19 de marzo de 1961. Monseñor Ramón Búa Otero é Licenciado en Teoloxía pola Universidade Gregoriana de Roma e Licenciado en Sagrada Escritura polo Pontificio Instituto Bíblico de Roma.

Recibiu a ordenación episcopal o 21 de febreiro de 1982, sendo bispo entre ese ano e 1989 de Tarazona e dende 1989 ata 2003 rexeu a Diocese de Calahorra e La Calzada-Logroño

Na Conferencia Episcopal Española foi membro das Comisións Episcopais de Ensinanza e Catequese e de Seminarios e Universidades.

Faleceu o 21 de abril de 2012 en Vigo.

Véxase tamén[editar | editar a fonte]

Ligazóns externas[editar | editar a fonte]