Río Vermello do Norte
Coordenadas: 50°23′47″N 96°48′39″O / 50.39639, -96.81083
Para outras páxinas con títulos homónimos véxase: Río Vermello.
O río Vermello ou río Vermello do Norte (en inglés Red River ou Red River of the North) é un río de América do Norte, do centro-norte dos Estados Unidos e do centro do Canadá.
Nace na confluencia dos ríos Bois de Sioux e Otter Tail entre os estados de Minnesota e Dakota do Norte, e discorre cara ao norte formando a maior parte da fronteira de Minnesota e Dakota do Norte e continúa até a provincia de Manitoba, no Canadá.
Ten 885 km de lonxitude,[1][2] dos que uns 635 flúe polos Estados Unidos e 255 polo Canadá.[3]
Drena unha gran conca hidrográfica de 287 499 km².[4]
Desemboca no lago Winnipeg, cuxas augas se unen ao río Nelson e finalmente desembocan na baía de Hudson.
Notas[editar | editar a fonte]
- ↑ Red River of the North, Minnesota DNR. Consultado o 18 de febreiro de 2022.
- ↑ "Red River of the North State Water Trail". Minnesota DNR. Consultado o 18 de febreiro de 2022.
- ↑ Red River Map 3 Arquivado 05 de agosto de 2019 en Wayback Machine., Minnesota DNR|access-date=18 de febreiro de 2022.
- ↑ Atlas of Canada. "Rivers of Canada". Arquivado dende o orixinal o 20 de maio de 2006. Consultado o 18 de febreiro de 2022..
