Pasquali
| Pasquali | |
|---|---|
 | |
| Fundación | 1949 en Calenzano |
| Matriz | BCS Group |
| Localización | Abbiategrasso,  Italia |
| Fundador | Lino Pasquali |
| Persoas clave | Fabrizio Castoldi |
| Industria | Maquinaria agrícola |
| Produtos | Tractores Motocultores |
| Na rede | |
| http://www.pasqualiagri.it | |
| [ editar datos en Wikidata ] | |
Pasquali é unha división, con sede en Abbiategrasso, Milán, do grupo italiano BCS, fundada en 1949 en Calenzano, na provincia de Florencia, especializada no deseño e produción de tractores e motocultores.
Historia[editar | editar a fonte]
A actividade de Pasquali Macchine Agricole comezou en 1949, cando o florentino Lino Pasquali, fundador da empresa que aínda leva o seu nome e unha das figuras máis importantes da historia da mecanización agrícola,[1] ideou un dos primeiros vehículos mecánicos de pequeno tamaño que podían ocuparse de todos aqueles traballos agrícolas imposibles de realizar cos tractores: o motocultor.
Tras o éxito inmediato, a finais dos anos 50 deuse conta da necesidade de aumentar a comodidade: engadíuselle un eixe completo con asento e dirección, que o transformou nun pequeno tractor.
A máquina foi un grande éxito, empurrando a Pasquali cara a un segundo proxecto que madurou a principios dos anos 60: a creación dun mini-tractor isodiamétrico de tracción ás catro rodas con dirección articulada central.
Este vehículo era moito máis cómodo e de altas prestacións que o motocultor, pero igual de fácil de manexar, demostrou grandes capacidades nas fileiras de vides, o seu éxito no mercado foi rotundo. Pouco despois mellorouse a estrutura e equipouse con pneumáticos máis grandes, creando un pneumático isodiamétrico aínda máis potente pero menos manexable.
Para maximizar o radio de xiro, Lino Pasquali, reduciu o tamaño das rodas dianteiras. Unha idea na que ninguén pensara e a que se acolleu toda a competencia directa.
Xa achegándose aos oitenta anos, a finais dos 90 Lino Pasquali comezou a buscar un socio industrial capaz de continuar o desenvolvemento da súa empresa. Atopou a multinacional BCS Group de Abbiategrasso, fundado en 1943 polo enxeñeiro Luigi Castoldi, quen adquiriu a marca Pasquali en 1999.
Notas[editar | editar a fonte]
- ↑ Vieri, Marco. "Progressi nella meccanizzazione," (PDF). deistaf.unifi.it. Arquivado dende o orixinal (PDF) o 2012. Consultado o 2012.