Parque Nacional do Comoé

Parque Nacional do Comoé
	; Parque Nacional do Comoé localización
Patrimonio da Humanidade - UNESCO
País	Costa do Marfil
Localización	Coordenadas: 9°9′49″N 3°46′21″O / 9.16361, -3.77250
Tipo	Natural
Criterios	ix, x
Inscrición	1983 (7ª sesión)
Rexión da UNESCO	África
Identificador	227
	v; c; e;

O Parque Nacional do Comoé é unha reserva da biosfera e Patrimonio da Humanidade da UNESCO que se atopa nos distritos de Zanzan e Savanes, no nordeste de Costa do Marfil. É a área protexida máis grande do oeste de África, cunha área de 11,500 km², e abrangue dende a húmida sabana de Guinea até a seca zona sudanesa.^[1] Este forte gradiente climático norte-sur permite que o parque albergue multitude de hábitats cunha notable diversidade de vida. Algunhas especies animais e vexetais atopan teñen o seu santuario nalgúns dos distintos tipos de sabana, bosques en galería, prados de ribeira, afloramentos rochosos ou illas forestais.

O parque foi engadido inicialmente como Patrimonio da Humanidade debido á diversidade de plantas presentes ao redor do río Comoé, incluíndo parches prístinos de selva tropical que normalmente só se atopan máis ao sur.^[2] Como unha chaira ben erosionada entre dous grandes ríos, o terreo da zona alberga solos relativamente infértiles e un réxime de humidade axeitado para unha biodiversidade máis rica que as áreas circundantes. En 2003, foi engadido á Lista do Patrimonio da Humanidade en Perigo debido á caza furtiva, ausencia de xestión, sobrepastoreo do parque por parte do gando, problemas que se intensificaron tras o estalido da primeiro guerra civil de Costa do Marfil. A 41ª Sesión do Comité do Patrimonio Mundial (celebrada en Cracovia, 2-12 de xullo de 2017) decidiu retirar o Parque Nacional de Comoe da Lista do Patrimonio Mundial en Perigo tralas melloras na conservación da súa fauna e hábitat.