O Picón, Arca, O Pino

Para outras páxinas con títulos homónimos véxase: Picón.

O Picón
Parroquia	Arca
Concello	O Pino
Coordenadas	42°54′17″N 8°20′52″O
[ editar datos en Wikidata ]

O Picón é un lugar da parroquia de Arca no concello coruñés do Pino, na comarca de Arzúa, a pouco máis dun quilómetro ao leste da capital municipal, O Pedrouzo.

Monumentos

Arquitectura civil

O elemento patrimonial de maior relevancia deste lugar é o chamado pazo do Picón, un edificio barroco do século XVII.

Xeografía

Algúns dos topónimos que se atopan nas inmediacións do Picón son:

• rego do Burgo ou de Puntillón, a uns 730 metros ao oeste do Picón cara ao Pedrouzo
• Corvite, a uns 520 metros ao leste, en dirección a Astrar
• Casa da Rúa, que é unha construción dun andar apenas a 150 metros ao sueste do pazo, con tellado a dúas augas, de paredes de cachotaría, mais con bos perpiaños nas esquinas, arredor de fiestras e porta de medio punto
• A Zanca, na cota de 300 metros, a uns 200 metros ao sueste do Picón
• Os Barreiros, na cota dos 350 metros, a uns 400 metros tamén ao sueste
• Picón de Minas, nos contrafortes do monte de Minas, a un quilómetro ao sueste do Picón
• monte de Minas, que ten unha altura de 451 metros e conta cun vértice xeodésico así como o denominado Miradoiro do Picón, a 1.460 metros aos sueste do Picón. Algo máis ao sur, nos contrafortes do suroeste deste monte e xa no concello de Touro, entre lugares de A Silva, Os Torreis de Abaixo e Os Torreis de Arriba, atópase un terreo pertencente ás minas de cobre de Río Tinto da que se extraen áridos