Nicolas Léonard Sadi Carnot

Nicolas Léonard Sadi Carnot

(1813)
Nome orixinal	(fr) Nicolas Léonard Sadi Carnot (fr) Nicolas Leonard Sadi Carnot
Biografía
Nacemento	1 de xuño de 1796 París, Francia
Morte	24 de agosto de 1832 (36 anos) París, Francia
Causa da morte	Morte natural  (Cólera )
Lugar de sepultura	Cimetière ancien d'Ivry-sur-Seine (en)
Datos persoais
País de nacionalidade	Francia
Educación	Escola Politécnica (pt) Lycée Condorcet (pt) Conservatoire national des arts et métiers (pt) Lycée Charlemagne (en)
Director de tese	Siméon Denis Poisson
Actividade
Campo de traballo	Termodinámica
Ocupación	matemático , enxeñeiro militar , físico , enxeñeiro
Empregador	Exército de Terra Francés
Profesores	Siméon Denis Poisson
Lingua	Lingua francesa
Obra
Obras destacables Ciclo de Carnot Teorema de Carnot (pt)
Familia
Cónxuxe	sen valor
Pai	Lazare Carnot (pt)
Irmáns	Hipolite Carnot

Para outras páxinas con títulos homónimos véxase: Sadi Carnot.

Nicolas Léonard Sadi Carnot, nado en París o 1 de xuño de 1796 e finado o 24 de agosto de 1832, correntemente chamado Sadi Carnot (Sadi é o seu único nome propio mencionado no rexistro civil, Nicolas Léonard son nomes de bautismo), foi un físico e enxeñeiro francés.

Traxectoria

Non publicou máis que un único libro: Réflexions sur la puissance motrice du feu et sur les machines propres à développer cette puissance ("Reflexións sobre a forza motriz do lume e sobre as máquinas apropiadas para desenvolver esta forza"; París, 1824), no que explica o que sería a obra da súa vida. Nela puxo as bases dunha disciplina enteiramente novidosa, a termodinámica. Naquela altura, o termo non existía, aínda que sería William Thomson, Lord Kelvin, quen o cuñase a mediados do século XIX.

Porén, é Sadi Carnot, quen, a pesar da imprecisión dalgúns dos conceptos que empregou, como a teoría do calórico e o axioma da conservación da calor, creou esta ciencia tan fundamental tanto desde a perspectiva teórica como pola súa fecundidade de aplicacións prácticas. Carnot formulou a exposición razoada do motor térmico e máis os principios básicos segundo os cales calquera central enerxética, calquera automóbil, calquera motor a reacción, é concibido hoxe. Salientabelmente, esta xénese elaborouse cando ningún predecesor definira aínda a natureza e extensión do asunto. Apoiándose en preocupacións puramente técnicas, como o melloramento dos rendementos da máquina de vapor, a evolución intelectual de Sadi Carnot foi orixinal e anunciou evolucións importantes que xurdirían nunha época crucial para a ciencia moderna.