Nervio músculo-cutáneo

Na Galipedia, a Wikipedia en galego.
Nervio músculo-cutáneo
Nerves of the left upper extremity.gif
Nervios do membro superior esquerdo. (O nervio músculo-cutáneo no canto superior dereito.).
Latín nervus musculocutaneus
Gray: subject #210 935
Proveniente de: Fascículo lateral
Ramas Nervio cutáneo lateral do antebrazo

O nervio músculo-cutáneo é un nervio do membro superior orixinado polo tronco secundario antero-externo ou superior. Toma as raíces raquídeas C5, C6, C7 e algunhas veces, tamén C4. Coma nervio, atópase na parte externa da axila e vai cara a parte interna do brazo, fura un músculo e pasa á superficie anterior do brazo, situándose entre o plano muscular superficial e o fondo. Segue descendendo e achégase á parte externa. No cóbado faise superficial e pasa pola canle bicipital. A este nivel dá dúas pólas terminais sensitivas puras, unha anterior e outra posterior.

Relacións[editar | editar a fonte]

Na axila é a póla máis externa do plexo braquial. Na orixe aparece preto do nervio radial e xa no brazo pasa preto da arteria umeral. Na parte anterior fura o músculo córaco-braquial e sitúase entre o bíceps braquial e o braquial anterior.

Pólas colaterais[editar | editar a fonte]

Ao longo do seu traxecto dá as seguintes pólas colaterais sensitivas:

Tamén dá tres pólas motoras que constitúen o eixo neuromuscular do músculo-cutáneo, inervando aos seguintes músculos:

  • Córaco-braquial
  • Braquial anterior
  • Bíceps braquial