Nervio músculo-cutáneo
| Nervio músculo-cutáneo | |
|---|---|
 |
|
| Nervios do membro superior esquerdo. (O nervio musculo-cutáneo no canto superior dereito.). | |
| Latín | nervus musculocutaneus |
| Gray: | subject #210 935 |
| Proveniente de: | Fascículo lateral |
| Ramas | Nervio cutáneo lateral do antebrazo |
O nervio músculo-cutáneo é un nervio do membro superior orixinado polo tronco secundario antero-externo ou superior. Toma as raíces raquídeas C5, C6, C7 e algunhas veces, tamén C4. Coma nervio, atópase na parte externa da axila e vai cara a parte interna do brazo, fura un músculo e pasa á superficie anterior do brazo, situándose entre o plano muscular superficial e o fondo. Segue descendendo e achégase á parte externa. No cóbado faise superficial e pasa pola canle bicipital. A este nivel dá dúas pólas terminais sensitivas puras, unha anterior e outra posterior.
Relacións [editar]
Na axila é a póla máis externa do plexo braquial. Na orixe aparece preto do nervio radial e xa no brazo pasa preto da arteria umeral. Na parte anterior fura o músculo córaco-braquial e sitúase entre o bíceps braquial e o braquial anterior.
Pólas colaterais [editar]
Ao longo do seu traxecto dá as seguintes pólas colaterais sensitivas:
- Anastomose para o nervio mediano
- Póla sensitiva para o cóbado
- Póla para o músculo córaco-braquial
- Póla para o músculo braquial anterior
- Dúas pólas para o bíceps braquial
Tamén dá tres pólas motoras que constitúen o eixo neuromuscular do músculo-cutáneo, inervando aos seguintes músculos:
- Córaco-braquial
- Braquial anterior
- Bíceps braquial
