Museo do Castro de Viladonga
Coordenadas: 43°09′38″N 7°23′14″O / 43.16045, -7.387189
| Museo do Castro de Viladonga | |
|---|---|
 Brocados atopados nas escavacións. | |
| País |  Galicia |
| Cidade | Castro de Rei |
| Tipo | Arqueolóxico |
| Administrador | Xunta de Galicia |
| Construción | anos 70 |
| Inauguración | 29 de novembro de 1986 |
| [ editar datos en Wikidata ] | |
O Museo do Castro de Viladonga é un museo situado ao carón do Castro de Viladonga, na parroquia do mesmo nome, pertencente ao concello de Castro de Rei, foi concibido para gardar, investigar e expoñer tódolos materiais procedentes das escavacións do castro realizadas a partir do ano 1971.
Sitúase nun socalco exterior entre as dúas últimas murallas do lado leste do castro.
Historia[editar | editar a fonte]
Comezouse a construír no ano 1975 a instancias do arqueólogo Manuel Chamoso Lamas e o apoio do daquela Subdirector General de Bellas Artes, Ramón Falcón Rodríguez, natural do concello. Seguindo o deseño do coruñés Carlos Fernández-Gago e cos fondos do Ministerio de Educación e Ciencia e a Fundación Pedro Barrié de la Maza remataron as obras no ano 1977.
O 10 de maio de 1983, co informe favorable da Xunta Superior de Museos creouse por orde ministerial o Museo Monográfico do castro de Viladonga como dependente do Patronato Nacional de Museos. Tras o acondicionamento do edificio o museo foi inaugurado oficialmente o 29 de novembro de 1986.
No ano 1989 a xestión do museo pasou á Consellería de cultura da Xunta de Galicia. Neses tempos formulouse a necesidade de acometer unha ampliación e reforma do edificio. O arquitecto do novo proxecto foi José Luis Arias Jordán, desenvolvéndose as obras entre o ano 1991 ao ano 1994.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Museo do Castro de Viladonga  |
