Mitsubishi

Na Galipedia, a Wikipedia en galego.
Mitsubishi
Mitsubishi logo.svg
Tipo conglomerado empresarial
Fundación 1870
Localización Tokio, Flag of Japan.svg Xapón
Fundador Yataro Iwasaki
Persoas clave Ken Kobayashi (CEO)
Industria Automomoción
Telecomunicacións
Enerxía
Naval
Produtos Electrónica
Telecomunicacións
coches
buques
Número de empregados 350.000 (en 2010)
Páxina web mitsubishi.com

Mitsubishi (三菱グループ, Mitsubishi Gurūpu) tamén coñecido como Mitsubishi Group Companies ou Mitsubishi Companies é un conglomerado internacional de empresas independentes xaponesas.

O grupo de empresas Mitsubishi forman unha entidade independente, Mitsubishi Keiretsu (grupo de empresas afíns) en xeral todas estas empresas descenden dos zaibatsu do mesmo nome (literalmente: camarilla financeira). As 25 principais empresas son tamén membros da Kin'yōkai Mitsubishi, o "Club Venres", que reúnese mensualmente.

O nome e a icona de Mitsubishi significa tres diamantes.

Historia[editar | editar a fonte]

Yatarō Iwasaki, fundador de Mitsubishi.

O Espírito Mitsubishi[editar | editar a fonte]

As compañías que forman parte de Mitsubishi comparten un forte sentimento de responsabilidade corporativa e social. Ese sentimento data da orixe vai máis de 140 años dado polo seu fundador samurai. Koyata Iwasaki fixou estes principios nos anos 1930. 80 anos despois, o espírito e os valores de esta "Sankoryo" seguen vivos e vixentes na actualidade.

Mitsubishi basease en tres principios:

  • 所期奉公 "Shoki Hoko"= Responsabilidade corporativa e social. Esforzarse para enriquecer á sociedade, tanto material como espiritualmente, ao tempo que contribúe á conservación do medio ambiente mundial.
  • 处事光明 "Shoji Komei" = integridade e xustiza. Manter os principios de transparencia e honestidade, a realización de negocios con integridade e beneficio mutuo.
  • 立业贸易 "Ritsugyo Boeki" = Comprensión Mundial a través dos negocios. Expandir os negocios, baseado nunha perspectiva global que abrangue todo.

As orixes de Mitsubishi están nunha empresa navieira, Tsukumo Shokai, que comezou a operar con tres vellos barcos de vapor. A empresa medrou rapidamente e foi trocando de nome co tempo: Mitsukawa Shokai, Shokai Mitsubishi, Mitsubishi Jokisen Kaisha (Mitsubishi Steamship Company), Yubin Kisen Kaisha Mitsubishi (Mitsubishi Mail Steamship Company).

Mitsubishi Mail Steamship Company inaugurou o servizo a China e foi a primeira empresa xaponesa en ter ruta comercial co estranxeiro. En 1880 o goberno xaponés permitiu que outra empresa fixese a mesma rota e as dúas empresas estiveron a piques de pechar. O goberno xaponés mediou na fusión das dúas empresas. Mitsubishi diversificou o negocio adicándose á minería, construción naval mercando o estaleiro de Nagasaki en 1884 e máis tarde iniciando a produción de aceiro alí. A partires de 1893 a empresa entrou noutros negocios como o papeleiro mercando unha fábrica en Kobe, a actual Mitsubishi Paper Mills. Fundouse Asahi Glass, o primeiro fabricante de cristan en Xapón que tivo éxito. Ao iniciarse a Primeira Guerra Mundial Mitsubishi fixo un chamamento a tódolos traballadores pedíndolles un compromiso de integridade e imparcialidade.

A partires de 1916 Mitsubishi modernizouse aínda máis incorporado empresas semiautónomas. Koyata Mitsubishi dirixido ao liderado en sectores como a maquinaria, equipos eléctricos e produtos químicos. Son as empresas que máis tarde convertéronse en Mitsubishi Heavy Industries fabricante de automóbiles, avións, tanques e autobuses e Mitsubishi Electric que tamén chegou a ser un líder en maquinaria eléctrica e aparellos electrodomésticos.

Mitsubishi na Segunda Guerra Mundial[editar | editar a fonte]

Avión Mitsubishi A6M "Zero".

Durante a Segunda Guerra Mundial, Mitsubishi fabricou avións baixo a dirección do Dr. Jiro Horikoshi. O mítico Mitsubishi A6M ("Zero") foi un avión caza empregado principalmente pola armada xaponesa na Segunda Guerra Mundial. Foi empregado polos pilotos da Armada Imperial Xaponesa durante toda a guerra, incluso en ataques kamikazes durante as etapas posteriores. Os pilotos americanos estaban abraiados pola súa manobrabilidade, e foi un grande éxito no combate ata que os aliados idearon tácticas para empregar a súa potencia de fogo e a velocidade.

Mitsubishi empregou traballadores forzados e escravos durante a guerra. Os traballadores eran prisioneiros de guerra aliados, chineses e cidadáns coreanos. Na posguerra, as demandas e esixencias de compensacións foron presentados contra a Corporación Mitsubishi, en particular polos ex traballadores escravos chineses.

Mitsubishi estivo involucrado no tráfico de opio en China durante este período[1].

Posguerra[editar | editar a fonte]

Ao finalizar a guerra os americanos esixiron a división da empresa e o abandono de moitos dos seus negocios. Co tempo as empresas foron volvendo a medrar xurdindo as anteriores relacións entre o grupo de empresas que formaba Mitsubishi.

Empresas do grupo[editar | editar a fonte]

Tokyo Building, sede de Mitsubishi Electric Corporation en Tokyo.
  • Asahi Glass Co.
  • The Bank of Tokyo-Mitsubishi UFJ
  • Kirin Brewery Co., Ltd.
  • Meiji Yasuda Life Insurance Company
  • Mitsubishi Corporation
  • Mitsubishi Aircraft Corporation
  • Mitsubishi Electric Corporation
  • Mitsubishi Estate Co.
  • Mitsubishi Heavy Industries, Ltd.
  • Mitsubishi Materials Corporation (MMC)
  • Mitsubishi Logistics
  • Mitsubishi Motors (Automóbiles, fabricación e vendas)
  • Mitsubishi Paper Mills, Ltd.
  • Mitsubishi Plastics, Inc.
  • Mitsubishi Rayon Co., Ltd.
  • Mitsubishi Research Institute, Inc.
  • Mitsubishi Shindoh Co., Ltd.
  • Mitsubishi Steel Mfg. Co., Ltd.
  • MSSC Inc.
  • Mitsubishi UFJ Trust and Banking Corporation (parte de Mitsubishi UFJ Grupo Financeiro)
  • Mitsubishi UFJ Securities
  • Nikon Corporation
  • Nippon Oil Corporation
  • NYK Line (Nippon Yusen Kabushiki Kaisha)
  • P.S. Mitsubishi Construction Co., Ltd.
  • Tokio Marine & Nichido Fire Insurance Co., Ltd.

Esas compañías son membros de Mitsubishi Kinyokai (o Friday Club), que se reune mensualmente.

Notas[editar | editar a fonte]

  1. Hastings, Max (2007). Retribution. New York: Vintage. p. 413. ISBN 978-0-307-27536-3.

Véxase tamén[editar | editar a fonte]

Ligazóns externas[editar | editar a fonte]