Merlo acuático

Na Galipedia, a Wikipedia en galego.
Merlo acuático

Macho


Son do merlo acuático.

Estado de conservación
Pouco preocupante (LC)
Pouco preocupante
Clasificación científica
Reino: Animalia
Filo: Chordata
Clase: Aves
Orde: Passeriformes
Familia: Cinclidae
Xénero: Cinclus
Especie: C. cinclus
Nome binomial
Cinclus cinclus
(Linnaeus, 1758)

Cinclus cinclus

O merlo acuático[Cómpre referencia] ou merlo rieiro[1][2][3], Cinclus cinclus, é unha ave paseriforme pertencente á familia Cinclidae. O seu hábitat inclúe contornas acuáticas de Europa. Os merlos acuáticos adoitan vivir nas beiras de ríos rápidos de montaña, aínda que se poden atopar individuos erráticos en lagoas de montaña. A súa preferencia polas augas non contaminadas converteuno nun bioindicador da pureza dun río.

Descrición[editar | editar a fonte]

A súa plumaxe é pardo escura con peito branco. Pálpebra branca moi visible cando parpadea. Tamaño duns 18 cm de altura e 30 de envergadura. Non hai diferenciación sexual.

Alimentación[editar | editar a fonte]

A súa alimentación é case exclusivamente a base de insectos.

Mergúllase nunha media de 3 segundos. O seu sangue pode portar máis osíxeno que o doutros paseriformes, o que lles permite permanecer baixo a auga ata 30 segundos, aínda que por norma xeral non excede dos 10 ou 20 segundos. As súas adaptacións permítelle mergullarse e camiñar polo fondo do río para alimentarse de insectos, axudándose do seu bater de ás se a corrente é forte. Atopa os insectos revirando os coios do leito do río.

Reprodución[editar | editar a fonte]

O merlo acuático aniña preto da auga, nunca a grandes alturas, en árbores, pontes e gretas. As postas varían entre os 4 e os 6 ovos, brancos e duns 26x18 milímetros, que son incubados unicamente pola femia. Os pitos eclosionan aos quince días da posta, e son cebados por ámbolos dous adultos durante aproximadamente un mes, ata que deixan o niño. As parellas de merlos adoitan pór dúas postas na mesma primavera, aínda que a segunda con unicamente 3 ou 4 ovos.

Véxase tamén[editar | editar a fonte]

Ligazóns externas[editar | editar a fonte]

  1. Penas Patiño, Xosé M.; Pedreira López, Carlos (setembro de 2004). Guía das aves de Galicia. Ilustrado por Calros Silvar (2ª ed.). A Coruña: Baía Edicións. ISBN 84-96128-69-5.
  2. Conde Teira, M. A. (1999). "Nomes galegos para as aves ibéricas: lista completa e comentada" (PDF). Chioglossa (A Coruña) 1: 121–138. Arquivado dende o orixinal (PDF) o 15 de marzo de 2016. Consultado o 28 de setembro de 2016. 
  3. Dicionario Digalego merlo Arquivado 17 de novembro de 2018 en Wayback Machine.